बारामती (पुणे) : बारामती शहरात लॉकडाउन होणार, अशा स्वरुपाच्या बातम्या पसरविल्या जात असून, अशा प्रकारे कोणतेही लॉकडाउन करण्याचा प्रशासनाचा सध्या तरी कोणताही विचार नाही, अशी माहिती उपविभागीय अधिकारी दादासाहेब कांबळे यांनी दिली.
बारामती शहरात गेल्या काही दिवसांपासून पुन्हा नव्याने लॉकडाउन होण्याची शक्यता असल्याचे काही मॅसेज समाजमाध्यमांवर फिरत आहे, त्या शिवाय फोनवरूनही अनेक लोक चौकशी करत आहेत. या पार्श्वभूमीवर दादासाहेब कांबळे यांच्याशी संपर्क साधला असता त्यांनी लॉकडाउनची शक्यता फेटाळून लावली. रुग्ण संख्या वाढू लागल्याने पुन्हा बारामतीत लॉकडाउन होईल किंवा दुकानांच्या वेळा अजून कमी केल्या जातील, अशा स्वरुपाची चर्चा बारामतीच्या व्यापारपेठेत सुरु आहे.
दादासाहेब कांबळे यांनी मात्र असे लॉकडाउन करण्याचा सध्या तरी कोणताही विचार नाही किंवा दुकानांच्या वेळातही सध्या तरी काही बदल केला जाईल, अशी शक्यता नसल्याचे स्पष्ट केले. मात्र, दुकानदारांनी संध्याकाळी पाच वाजता दुकाने बंद करणे आवश्यक आहे. अनेक दुकानदार पाचनंतरही दुकाने सुरु ठेवतात, काही विशिष्ट दुकानदारांबाबतच या विषयीच्या तक्रारी आहेत. याबाबत असे प्रकार निदर्शनास आले तर कारवाई होईल, असाही इशारा त्यांनी दिला आहे.
सहकार्य करण्याची गरज
बारामती शहरात अनेक ठिकाणी कोरोनाचे संकट दूर झाले आहे, अशा थाटात लोक गर्दी करताना दिसत आहेत. कोरोनाचे संकट बारामतीवर अधिक गडद होत असताना प्रत्येक बारामतीकराने काळजी घेण्याची गरज आहे. प्रत्यक्षात व्यवहारांना मान्यता दिल्यानंतर होणारी गर्दी धडकी भरवणारी आहे. बारामतीकरांनीच ही गर्दी टाळण्यासाठी अत्यंत आवश्यक काम असल्यासच बाहेर पडावे, ज्येष्ठ नागरिक व मुलांना शक्यतो घराबाहेर पडू देऊ नये, असे आवाहन प्रशासनाने केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.