पुणे : शिक्षणाचा दर्जा वाढविण्यासाठी राज्यातील सर्व अकृषीक विद्यापीठांमध्ये कोणत्या उपाययोजना केल्या पाहिजेत, सरकारची मदत कशी घ्यावी, यावरील चर्चेसाठी सावित्रीबाई फुले पुणे विद्यापाठात कुलगुरूंची बैठक झाली. त्यामध्ये राज्यातील 21 कुलगुरू उपस्थित होते.

- ताज्या बातम्यांसाठी डाऊनलोड करा ई-सकाळचे एप

या वेळी राष्ट्रीय उच्चतर शिक्षा अभियानांतर्गत (रूसा) दिलेल्या निधीचा डिसेंबरपर्यंत पूर्ण वापर करावा आणि केंद्र व राज्य सरकारच्या योजनांची अंमलबजावणी करावी, असे निर्देश कुलगुरूंना 'रूसा'चे प्रकल्प संचालक पंकज कुमार यांनी दिले.

- अमेरिकेचे अध्यक्ष ट्रम्प 'रॉकी'च्या रूपात

या बैठकीला विद्यापीठ अनुदान आयोगाचे उपाध्यक्ष डॉ. भूषण पटवर्धन, राज्याचे उच्च व तंत्र सचिव सौरभ विजय, उच्च शिक्षण संचालक डॉ. धनराज माने, सावित्रीबाई फुले पुणे विद्यापीठचे कुलगुरू डॉ. नितीन करमळकर यांच्यासह अकृषीक विद्यापीठांचे कुलगुरू, कुलसचिव डॉ. प्रफुल्ल पवार उपस्थित होते. 

- अजित पवार सभागृहातच भडकले; जितेंद्र आव्हाडांची 'सिंपल मिस्टेक'

सर्व विद्यापीठांनी एकात्म संगणकप्रणाली अमलात आणावी, शिक्षणात तंत्रज्ञानाचा वापर, शैक्षणिक संस्थांच्या शैक्षणिक व प्रशासकीय कामाचे मूल्यमापन करणे, 'एआयसीटीई'च्या गुणवत्ता निर्देशांची अंमलबजावणी करणे याचा आढावा घेण्यात आला. त्यानुसार काम करण्याच्या सूचना कुलगुरूंना दिल्या.

- फ्युचर प्लॅनविषयी विचारले असता धोनी म्हणाला,...

15 विद्यापीठांतील रिक्त पदांच्या भरतीबाबत चिंता व्यक्त करण्यात आली. शैक्षणिक गुणवत्ता व विद्यापीठात पायाभूत सुविधांच्या उभारणीसाठी 'रूसा'तर्फे विद्यापीठांना कोट्यवधींचा निधी दिला जातो; परंतु काही विद्यापीठांनी तो वापरला नाही. त्यामुळे डिसेंबरपर्यंत हा निधी मार्गी लावावा, अशी सूचना दिली आहे. 

- शास्त्रज्ञांना सापडला तब्बल 18 हजार वर्षे जुना श्वान 

पुणे विद्यापीठ अग्रेसर 
दरम्यान, एका कार्यक्रमामध्ये कुलगुरू डॉ. नितीन करमळकर म्हणाले, ''सरकारतर्फे पुणे विद्यापीठात राज्यातील कुलगुरूंची बैठक झाली. त्यामध्ये शैक्षणिक गुणवत्ता व इतर मुद्यांवर चर्चा झाली. इतर विद्यापीठांच्या तुलनेत पुणे विद्यापीठ अग्रेसर आहे.''