मंचर - श्रीक्षेत्र वडगाव काशिंबेग (ता. आंबेगाव) येथील घोड नदीच्या पात्रातून दोन लाख सहा हजार दोनशे पन्नास रुपये किमतीची वाळू अज्ञात व्यक्तींनी चोरून नेल्याची फिर्याद महसूल खात्याच्या वतीने मंचर पोलीस ठाण्यात दाखल झाली आहे. पोलिसांनी अज्ञात व्यक्तीच्या विरोधात गुन्हा दाखल केला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

मंचरचे मंडलाधिकारी योगेश रतन पाडळे यांनी पोलिसांकडे फिर्याद दिली आहे. वाळूचोरी माहिती समजल्यानंतर आंबेगाव-जुन्नरच्या प्रांत अधिकारी रमा जोशी यांनी मंडल अधिकारी, कामगार तलाठी यांच्यासह गावकर्यानसमवेत घटना स्थळी भेट दिली होती. त्यांनी चोरीला गेलेल्या वाळूसंदर्भात पंचनामे करुन चोरट्यांच्या विरोधात पोलिसांकडे तक्रार करण्याचे आदेश दिले होते. त्यानुसार पाडळे यांनी पंचनामा केला.

पुणे जिल्ह्यातील या तालुक्यात कोरोनाचा धुमाकूळ

नदीपात्राच्या मध्यभागी 500 फूट लांब व दोनशे फूट रुंद व 12 ते 14 फूट आकाराचा खड्डा करून उंच ढीग तयार केला. 20 ते 25 ब्रास वाळू चोरीला गेली आहे. उत्खनन, सरकारी मालमत्तेची चोरी, पर्यावरणाची हानी अशी फिर्याद दाखल केली आहे.

खडकवासला धरणातून पाण्याचा विसर्ग वाढवला; नदीकाठच्या गावांना सतर्कतेचा इशारा

'महसूल खात्याकडून फिर्याद प्राप्त झाली आहे. वाळूची चोरी करणाऱ्या वाळूमाफियाचा शोध घेऊन त्यांच्या विरोधात कायदेशीर कारवाई करत आहोत”.
- कृष्णदेव खराडे पोलीस निरीक्षक, मंचर पोलीस ठाणे

Edited By - Prashant Patil