भुईंजमध्ये संत सेना महाराजांच्या मूर्तीची प्राणप्रतिष्ठापना

भुईंज, ता. ३ : येथे नाभिक समाजामार्फत संत सेना महाराजांची मूर्तीची प्राणप्रतिष्ठापना शुक्रवारी (ता. ६) श्री संत ब्रह्मानंद महाराज यांच्या हस्ते होणार आहे.
संत सेना भवनात विविध कार्यक्रमांचे आयोजन करण्यात आले. गुरुवारी (ता. ५) सकाळी ११ वाजता कृष्णा नदीवर मूर्तीचा अभिषेक, दुपारी १२ वाजता ग्राम प्रदक्षिणा, सायंकाळी ६ वाजता मूर्तीला धान्यधिवास, जलधिवास, शयनवास, रात्री हभप राजेंद्र महाराज धोत्रे यांचा भारुडाचा कार्यक्रम होणार आहे. शुक्रवारी (ता. ६) सकाळी सहा ते नऊ वाजेपर्यंत पूजा पाठ, ध्वजवंदन, मंडप पूजन, श्री गणेश, प्रधान कलश, पुण्याहवाचन, मातृका पूजन, नवग्रह पूजन, सर्वतोभद देवता पूजन, सकाळी नऊ वाजता मूर्तीस रुद्राभिषेक, सकाळी ११ वाजता श्री संत ब्रह्मानंद महाराज आंबवडे यांच्या हस्ते मूर्तीचे प्रतिष्ठापना, सकाळी ११.३० ते १२.३० होमहवन, पूर्णाहुती मंगल आरती, दुपारी एक ते चार वाजता महाप्रसाद आणि दुपारी चार ते आठ भजन असे कार्यक्रमातून मूर्तीची प्राणप्रतिष्ठापना होणार आहे. सर्व भाविकांनी या कार्यक्रमास उपस्थित राहण्याचे आवाहन संत सेना महाराज मंडळ, जिवा महाले संघटना, सन्मित्र कला वैभव मंडळ, ग्रामस्थ मंडळ, भुईंज यांनी केले आहे.