सासवड :  येथे शहरात राहणारा व हडपसर भागात बँक शाखेत काम करणार्‍या कर्मचाऱ्यास कोरोनाची बाधा झाल्याचे तहसीलदार रुपाली सरनौबत यांनी सांगितले. तसेच दोन व्यापाऱ्यांसह त्यांच्या घरातीलच एक महिलाही कोरोना पाॅझीटिव्ह आजच आढळली. त्यातून एकट्या सासवड शहरातील रुग्ण संख्या 14 वर पोचली व चिंता प्रचंड वाढली आहे. तर तालुक्यातील एकुण पाॅझीटिव्ह  रुग्ण संख्या 30 वर पोचल्याने संसर्गाचा धोका आणखी वाढत असल्याचे स्पष्ट आहे.

ताज्या बातम्यांसाठी डाऊनलोड करा ई-सकाळचे ऍप 
पुण्याच्या बातम्या वाचण्यासाठी येथे  क्लिक करा

सासवडच्या एकुण 14 रुग्ण संख्येत 9 रुग्ण या चार दिवसातील आहेत. म्हणजेच संसर्गाचा वेग वाढल्याचे स्पष्ट आहे. 30 रुग्णांमधील बहुतेक  बाधीत रुग्ण हे मुंबई - पुणे कनेक्शनमधीलच आहेत. हाच धोका वाढतोय.. तरीही अजूनही मुंबईहून कुटुंबासह गावाकडे येणे थांबलेले नाही. पुण्यात जा ये करणारे तर शेकडो जण असून 
कोरोनाच्या पार्श्वभूमीवर त्यांनी लोकांमध्ये न मिसळण्याची काळजी घ्यावी लागेल. अन्यथा सासवड पुण्याजवळ असल्याने धोका आणखी समोर दिसत आहे; असे जाणकारांकडून व डाॅक्टर मंडळीकडून सांगण्यात आले.

तीस दिवसांच्या बाळाची झुंज यशस्वी; ससूनमध्ये उपचार
 
दरम्यान; कोविड विषाणूचा प्रसार होऊ नये म्हणून पुरंदर तालुक्यात प्रशासनामार्फत विविध उपाययोजना करण्यात आलेल्या  आहेत. रुग्ण सापडलेल्या ठिकाणी लगेच सर्व्हे व पुढील कार्यवाही होत आहे; असे सांगण्यात आले. तसेच तालुक्यात एकूण 30 कोरोनाग्रस्त रुग्णापैकी तीन रुग्ण मयत झालेले आहेत. तसेच 9 रुग्णांना घरी सोडण्यात आलेले आहेत. उर्वरित 18 कोरोनाग्रस्त रुग्ण हे पुण्यात विविध रुग्णालयांमध्ये उपचार घेत आहेत., असेही  प्रशासनाकडून स्पष्ट झाले.