पुणे : सावित्रीबाई फुले पुणे विद्यापीठाने अंतिम वर्ष वगळता अन्य वर्षाच्या विद्यार्थ्यांचे निकाल लावण्यासाठी प्रक्रिया सुरू केली आहे. मात्र निकाल लावण्यापूर्वी त्यात त्रुटी राहून विद्यार्थ्यांचे नुकसान होऊ नये, यासाठी प्रत्येक अभ्यासक्रमानुसार तज्ज्ञांची समिती नेमली आहे. या समितीकडून हिरवा कंदील मिळाला की निकाल लावण्यात येणार आहे. 

- कोरोनामुळे 'ड्रॅगन' खातेय भाव...

पुणे विद्यापीठाने राज्य शासनाच्या निर्णयानुसार अंतिम वर्ष वगळता इतर वर्षाचे निकाल लागण्यासाठी यापूर्वीच प्रक्रिया सुरू केली. प्रत्येक महाविद्यालयाकडून विद्यार्थ्यांचे अंतर्गत मूल्यमापनाचे गुण ऑनलाईन मागविण्यात आले आहेत. 
या विद्यार्थ्यांना ५० टक्‍के अंतर्गत मूल्यमापनावर आणि ५० टक्‍के पूर्वीच्या सत्रातील परीक्षेचे गुण यावरून गणितीय पद्धतीने सरासरी गुण देऊन उत्तीर्ण करून पुढील वर्षात प्रवेश दिला जाणार आहे. 

- केरळ सरकारनं केली एक वर्षाची तयारी, वाचा नागरिकांसाठीचे नियम!

परीक्षा मंडळाकडून निकाल लागण्यासाठी ऑनलाईन प्रक्रिया सुरू आहे. पण यावर्षी दरवेळेपेक्षा वेगळ्या पद्धतीने निकाल लावले जात असल्याने यात काही त्रुटी राहू नये यासाठी ही खबरदारी घेतली आहे. यासाठी संबंधित अभ्यासक्रमांच्या अधिष्ठातांच्या अध्यक्षेखाली चार-पाच जणांची समिती नेमण्यात आली आहे.

- विद्येच्या माहेरघरात घडला धक्कादायक प्रकार; पाचवीच्या अॅडमिशनसाठी मागितले अडीच लाख!

निकाल जाहीर करण्यापूर्वी सॅपल म्हणून काही निकाल तपासतील. यात गुण योग्य पद्धतीने दिले गेले आहेत का?, सरासरी बरोबर आली आहे का?, गेल्यावर्षीचा निकाल व या निकालात मोठा फरक आहे की थोडा आहे हे पाहिले जाईल. मोठा फरक असेल व कुठे चुकले आहे का याची पडताळणी समिती करणार आहे. योग्य निकाल असल्याची खात्री झाल्यानंतरच निकाल लावला जाणार आहे. 

- पुण्याच्या बातम्या वाचण्यासाठी येथे ► क्लिक करा

"यावर्षी थोड्या वेगळ्या पद्धतीने निकाल लावले जात आहेत. त्यामुळे यात त्रुटी राहू नये यासाठी खबरदारी घेतली जात आहे. निकाल लावण्यापूर्वी संबंधित अभ्यासक्रमाचे तज्ज्ञ निकालाचे सँपल तपासणी करतील. त्यामुळे विद्यार्थ्यांच्या हातात योग्य निकाल देता येऊ शकणार आहे. "
- डॉ. पराग काळकर, अधिष्ठाता, पुणे विद्यापीठ 

- ताज्या बातम्यांसाठी डाऊनलोड करा ई-सकाळचे ऍप