खळद : शिवरी (ता.पुरंदर) येथील शिवानी जालिंदर लिंभोरे या १३ वर्षीय अल्पवयीन मुलीने राहत्या घरात गळफास घेऊन आत्महत्या केल्याची धक्कादायक घटना समोर आली आहे. शनिवारी (ता. ६ मार्च रोजी) ही घटना घडली. याबाबत जेजुरी पोलीस स्टेशनमध्ये अकस्मात मयत नोंद करण्यात आली आहे.

नक्षलवादी ते रिक्षा ड्रायव्हर; संघर्षमय आयुष्याने थक्क करणाऱ्याला दिलंय TMC ने...

जेजुरी पोलीस स्टेशन कडून मिळालेल्या माहितीनुसार जालिंदर सर्जेराव लिंभोरे (वय 59 वर्ष) रा. शिवरी यांनी खबर दिली. यानुसार ते शेतात काम करून घरी येऊन घराचा दरवाजा उघडून घरात आले असता मयत शिवानी हिने घरात अँगलला साडीने गळफास घेतलेला दिसला.

त्यावेळी त्यांनी भाऊ सोपान लिंभोरे व इतर लोकांचे मदतीने तीस खाली उतरून शिवरी येथील स्थानिक खाजगी डॉक्टर व नंतर जेजुरी येथील सरकारी दवाखान्यात नेले असता तेथील डॉक्टरांनी तपासून मयत झाल्याचे सांगितले आहे.

नक्षलवादी ते रिक्षा ड्रायव्हर; संघर्षमय आयुष्याने थक्क करणाऱ्याला दिलंय TMC ने...

पुढील तपास जेजुरी पोलिस स्टेशनचे पोलिस निरीक्षक सुनील महाडिक यांचे मार्गदर्शनाखाली पोलिस हवालदार महादेव कुतवळ हे करीत आहेत.

शिवानी ही येथील महात्मा ज्योतिराव फुले विद्यालयात इयत्ता सातवीच्या वर्गात शिकत होती व  शनिवारी तिचा वाढदिवस होता व याच दिवशी ही घटना घडल्याने सर्वत्र हळहळ व्यक्त होत आहे.

(संपादन : सागर डी. शेलार)