वाघोली  (पुणे) : शाळा, महाविद्यालयांनी शुल्क भरण्याबाबत सक्ती करू नये तसेच शुल्क वाढवू नये असे आदेश राज्य शासनाने दिले आहेत. मात्र, तरी देखील वाघोलीतील जे. एस. पी. एम संस्थेच्या प्रोडिजी स्कूलने पालकांना शुल्क भरण्याबाबत पत्र पाठवून शुल्क भरण्यास सांगितले आहे. 

पुण्यावर नामुष्की : अॅम्ब्युलन्स न आल्यानं रस्त्यावर एकाचा मृत्यू

लॉकडाउनच्या काळात स्कूलने ऑनलाइन क्‍लासेस घेतले. त्याला मुलांनीही उत्तम प्रतिसाद दिला. स्कूलचेही ही शिक्षक, शिक्षकेतर कर्मचारी, मेंटेनन्स कर्मचारी आदींचे वेतन सुरू आहे. यासाठी तुमच्या शुल्कची गरज आहे. येणाऱ्या नवीन वर्षाचे शुल्क तुम्ही भरल्यास त्याचा खूप फायदा स्कूलला होईल. मुलांचे निकाल लवकरच जाहीर होतील.

"या' सात तालुक्‍यांसाठी पाण्याची महत्त्वाची बातमी डिंभे धरणात ३० टक्के पाणीसाठा 

नवीन वर्षाचे ऑनलाईन क्‍लासेस 15 जून पासून सुरू होतील. कृपया पालकांनी ऑनलाईन शुल्क जमा करावे. असे पालकांना पाठविलेल्या पत्रात नमूद करण्यात आले आहे. दरम्यान, वाघोली व परिसरातील शाळा, महाविद्यालये यांनी शुल्क वाढू नये तसेच शुल्क जमा करण्याची सक्ती करू नये. अन्यथा त्यांच्या विरोधात कडक कारवाई करण्याचा इशारा जिल्हा परिषद सदस्य ज्ञानेश्वर कटके यांनी दिला आहे. 

पुण्याच्या इतर बातम्या वाचण्यासाठी येथे- क्लिक करा

याबाबत त्यांनी शाळा व महाविद्यालयांना पत्र पाठविले आहे. वाघोलीत 100 पेक्षा अधिक शाळा व महाविद्यालये आहेत. कोरोनाच्या पार्श्वभूमीवर राज्यात लॉकडाऊन असताना वाघोली व परिसरातील काही शाळा, शैक्षणिक संस्थांनी शुल्क भरण्यासंदर्भात पालकांना सक्ती केली असल्याच्या तक्रारी आल्याचे कटके यांनी सांगितले. 
 

सध्या लॉकडाउन असल्याने उत्त्पन्नाचे साधन बंद आहे. त्यामुळे सध्या शुल्क भरणे शक्‍य नाही. स्कूलने सक्ती करू नये. 
- एक पालक 
 

लगेच शुल्क भरणे सक्तीचे नाही. ज्यांना शक्‍य आहे त्यांनी आता भरावे. बहुतांश आयटी कंपनीचे वर्क फ्रॉम होम सुरू आहे. त्यामुळे जे पालक आयटीमध्ये आहेत. त्यांनी शुल्क भरून सहकार्य करावे. ज्यांना सध्या शक्‍य नाही त्यांनी स्कूल सुरू झाल्यावर टप्याटप्याने भरावे. शिक्षक, शिक्षकतेर कर्मचारी व अन्य संस्थेच्या कर्मचाऱ्यांचे वेतन सुरू असून मेंटेन्सचाही खर्च सुरूच आहे. त्यामुळे पालकांनी शुल्क दिल्यास आर्थिक घडी व्यवस्थित राहील. 
-डॉ. विवेक कायंदे, संकुल संचालक, जे. एस. पी. एम, वाघोली.