राजगुरुनगर (पुणे) : खेड तालुक्यातील आणि पिंपरी चिंचवड आयुक्तालयाच्या कक्षेत येणारे महाळुंगे हे पोलिस ठाणे हे बेकायदेशीर आहे. त्याठिकाणी बोली लावून अधिकारी नेमणूक होते. त्याची इमारत बेकायदेशीर आहे. याबाबत मी तक्रारी केल्यावर माझ्या विरोधकांना बरोबर घेऊन माझ्याविरोधात काटकारस्थानांना सुरुवात झाली. मराठा आंदोलनात गुन्हा दाखल होणे आणि सध्या एक महिला फेसबुकवरून घाणेरडे आरोप करून करीत असलेली बदनामी, हे त्याच षड्यंत्राचे भाग आहेत. यामध्ये पोलिस खात्यातीलच काही लोक सामील असल्याचे गंभीर आरोप खेडचे आमदार दिलीप मोहिते यांनी केले.
आमदार मोहिते यांनी सांगितले की, चाकण पोलिस ठाण्याचा कारभार व्यवस्थित सुरु होता, तरी तत्कालीन पिंपरी चिंचवड पोलीस आयुक्त के. पद्मनाभन यांनी त्याचे बेकायदेशीरपणे विभाजन करून नवीन महाळुंगे पोलिस ठाणे निर्माण केले. सरकारची परवानगी त्याला नाही. तरी या पोलिस ठाण्याला कंपन्या असलेली गावे जोडण्यात आली. आर्थिक देवाणघेवाण करता यावी, म्हणूनच हे ठाणे निर्माण केले.
याबाबत मी तक्रारी केल्यावर मला टार्गेट करण्यात आले. विधानसभा निवडणूक लढवून मी आमदार होऊ नये, यासाठी मला मराठा आंदोलनाच्या गुन्ह्यात एक वर्षानंतर गोवण्यात आले. 'मोहिते यांनीच आम्हाला आंदोलनस्थळी जाळपोळ करायला बोलाविले,' असे खोटे जबाब माझे विरोधक असलेल्या लोकांचे मला आरोपी करण्यासाठी तपासादरम्यान घेतले गेले. सध्या एक महिला फेसबुकच्या माध्यमातून माझ्यावर घाणेरडे आणि बिनबुडाचे आरोप करीत आहे. खालच्या पातळीवर जाऊन शिवीगाळ करीत आहे. हा त्याच षडयंत्राचा भाग आहे, असेही ते म्हणाले.
पाठ्यपुस्तके पाहून हरखली बालमने
आपण हे सर्व गृहमंत्र्यांच्या कानावर घातले असून, त्यांना पत्रही दिले आहे. त्यात या पोलिस ठाण्याच्या विभाजनाच्या प्रकरणाची सखोल चौकशी करून कारवाई करण्याची मागणी केली आहे. कायदा शिकविणाऱ्या पोलिस खात्यानेच हे बेकायदेशीर कृत्य केल्याचे नमूद केले आहे. तसेच, उपमुख्यमंत्र्यांनाही याबाबत पत्र दिले आहे, असे मोहिते यांनी सांगितले.
मात्र, तीन पक्षांचे सरकार असल्याने सध्या झटपट निर्णय होत नाहीत. कोरोनाच्या पार्श्वभूमीवर सध्या काही गोष्टींना निर्बंध असल्याने आपण गप्प आहोत. मात्र, लॉकडाउन संपले की, याप्रश्नी आंदोलनही करणार आणि विधानसभेतही प्रश्न उठविणार आहे, असे ते म्हणाले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.