वाल्हेकरवाडी : रावेत येथे कामगारांच्या मुलांसाठी चालणारया 'मस्ती की पाठशाळा' ह्या शाळेत पर्यावरणपूरक गणेशमुर्ती बनविण्याची  कार्यशाळा घेण्यात आली. शाडूच्या मूर्ती बनविल्यामुळे नद्यांमधील प्रदुषण कमी होण्यास मदत होईल ह्याचे महत्व विद्यार्थ्यांना प्राजक्ता रुद्रावार यांनी सांगितले.

यावेळी शाळेतील मुलांनी व महिलांनी हिहिरीने भाग घेतला व त्यातील त्यांची कलात्मकता दाखविली. हा कार्यक्रम राबविण्यासाठी प्राजक्ता रुद्रवार, केतकी नायडु, रोशनी राय, निलेश अंबेकर यांनी विशेष परिश्रम घेतले. 

आजची कार्यशाळा ही विद्यार्थ्यांना शाडूची मूर्ती बनवून, त्यांच्या पर्यावरणाविषयी जनजागृती व्हावी या उद्देशाने घेतली, विद्यार्थांना पुस्तकी ज्ञानाबरोबरच इतर सामाजिक सलोखा जपता यावा यासाठी प्रयत्नशील आहोत. केतकी नायडू, मस्ती की पाठशाळा.