पुणे : कोरोनाच्या पार्श्वभुमीवर शहरामध्ये लागू केलेल्या संचारबंदीमुळे कुटुंबाचे हाल होऊ लागल्याने काही मजुर, कामगार व हातावर पोट असणाऱ्यां आपापल्या गावाची वाट धरली आहे. कोरोनाचा संसर्ग वाढत जाऊ नये, यासाठी पुणे पोलिस व महापालिकेच्यावतीने कामगारांसाठी निवारा केंद्र सुरु केले जात आहेत.

बातम्या ऐकण्यासाठी डाऊनलोड करा ई-सकाळचे ऍप
शहरामध्ये कोरोनाचा संसर्ग वाढण्याची शक्यता गृहीत धरुन व संचारबंदीमुळे हाताला काम नसल्याने शहरातील काही कामगारांनी आपापल्या गावाची वाट धरल्याचे चित्र पोलिसांच्या निदर्शनास आले आहे. कामगार त्यांच्या गावी गेल्यास कोरोना संसर्ग गावापर्यंत पोचण्याची शक्यता नाकारता येत नाही. तसेच कामगारांचे गावी होणारे स्थलांतर थांबविण्यासाठी पुणे पोलिसांकडून प्रयत्न केले जात आहे. पोलिस व महापालिका यांच्यावतीने काही कामगारांसाठी काही ठिकाणी निवारा केंद्र उभारली जात आहेत. त्याच ठिकाणी त्यांच्या भोजनाचीही व्यवस्था केली जाणार असल्याचे पोलिसांनी सांगितले.

पुणे : 'बाटू'चे शैक्षणिक कामकाज मेपासून सुरू

"लॉकडाउन परिणामकारक होण्यासाठी पुणेकर खूप चांगले सहकार्य करत आहेत. मात्र काल काही ठिकाणी काही लेबर क्लास हा शहराबाहेर पडत असल्याचे चित्र आहे. त्यासाठी आम्ही महापालिकेसमवेत संपर्क ठेऊन सर्व पावले उचलत आहोत. त्यानुसार, कामगारांसाठी निवारा केंद्र स्थापन केले जात आहेत. तेथे त्यांच्या राहण्याची, भोजनाची व्यवस्था प्रशासनाकडून होणार आहे. त्यादृष्टिने 28 मार्चला अध्यादेशही प्राप्त झाला आहे."
 - डॉ.रवीन्द्र शिसवे, पोलिस सहआयुक्त.
Corona Virus : आता प्रत्येक होम क्वारंटाइन व्यक्तीवर लक्ष ठेवणार 'महा एचक्यूटीएस' अॅप ; 'डिजिटल' हजेरी सक्तीची