विश्रांतवाडी (पुणे) : धानोरी येथील छावा संघटनेकडून  १०० आत्महत्याग्रस्त शेतकरी बांधवांच्या पत्नींना धान्य व शेतीसाठी बी-बियाणे वाटप करून शिवराज्याभिषेक सोहळा साजरा करण्यात आला. यानिमित्ताने छत्रपती शिवाजी महाराजांच्या विचारांना स्मरून हा शिवराज्याभिषेक सोहळा छावा संघटना महाराष्ट्र राज्य व शिवराज्याभिषेक महोत्सव समिती खेड तालुका यांनी साजरा केला.

काम देत का कुणी काम : ओझी उचलू, कुठेही राबू पण...
दुष्काळ व कर्जबाजारीपणा या गोष्टींना कंटाळून ज्या शेतकरी बांधवांनी आत्महत्या केलेल्या आहेत. त्या शेतकरी बांधवांच्या पत्नी आज लाॅकडाउनमुळे काय हलाखीचे जीवन जगत असतील किंवा त्यांच्याकडे माणुसकीच्या नात्याने आपण पाहिले पाहिजे, असा विचार करून खासदार संभाजीराजे छत्रपती यांच्या पत्नी संयोगिता राजे छत्रपती यांच्या मार्गदर्शनाखाली आत्महत्याग्रस्त शेतकर्‍यांच्या पत्नींना गाव तलवाडा, (ता. गेवराई जि. बीड) येथे अन्नधान्य वाटप व साडीचोळी सोबत शेतीमध्ये लागणारे चांगल्या प्रतीचे बी बियाणे हे त्यांच्या बांधावर जाऊन देण्यात आले सोबतच युवराज्ञी संयोगिता राजे छत्रपती यांनी आत्महत्याग्रस्त शेतकरी बांधवांच्या पत्नीसोबत व्हिडीओ कॉन्फरन्सद्वारे संवाद साधला. 

पुण्याच्या बातम्या वाचण्यासाठी येथे ► क्लिक करा

छावाप्रमुख धनंजय जाधव, सोमनाथ ढोले यांनी शिवराज्याभिषेक सोहळ्यानिमित्त व गणेश सोनवणे यांनी त्यांचे वडील स्वर्गीय सदाशिव सोनवणे व मित्र स्व. किशोर गिरमे यांच्या स्मरणार्थ बी बियाणे वाटून हा उपक्रम राबवला.या उपक्रमासाठी गेवराई पंचायत समितीच्या सदस्य पूजा मोरे यांनी विशेष प्रयत्न केले. यावेळी गंगाधर काळकुटे, सौरभ दोंडकर, प्रणय शेंडे, अभिजित उकारडे, यशवंत बागल उपस्थित होते.