जुन्नर (पुणे) : जुन्नर तालुक्यात सध्या रासायनिक खतामध्ये युरिया व सोयाबीन बियाण्यांची कमतरता जाणवत आहे. तालुका खरेदी विक्री संघात व खासगी दुकानातून गेल्या महिन्यापासून युरिया मिळत नसल्याची तक्रार आहे.
जुन्नर तालुका खरेदी विक्री संघाकडे सोयाबीनचे बियाणे कमी प्रमाणात उपलब्ध झाले आहे. संस्थेने महामंडळाकडे एक हजार क्विंटल सोयाबीन बियाण्याची आगाऊ नोंदणी केली होती. आतापर्यंत संस्थेकडे ३०० क्विंटल बियाणे प्राप्त झाले, हे सर्व बियाणे शेतकऱ्यांना वाटप केलेले आहे. सोयाबीन बियाण्याचा तुटवडा जाणवत आहे. बियाणे महामंडळाकडून सोयाबीन बियाणे उपलब्ध करण्या प्रयत्न सुरू आहे. तूर, मूग, उडीद, या कडधान्याची बियाणे संस्थेकडे उपलब्ध होणार आहेत.
रासायनिक खतांमध्ये युरीया खतांची कमतरता जाणवत आहे. युरीया खताच्या मागणीप्रमाणे खत उत्पादक कंपन्याकडून पुरवठा होत नाही इतर १०/२६/२६ डीएपी १८/४६ आणि १४/३५/१४ व २४/२४/० व १५/१५/१५/९ ही मिश्र खते संस्थेच्या ओतूर, आळे, जुन्नर, नारायणगाव येथे उपलब्ध आहेत.
पंचायत समितीच्या कृषी विभागाचे वतीने महाराष्ट्र राज्य बियाणे महामंडळाकडे सोयाबीन बियाण्याची मागणी करण्यात आली आहे. जुन्नर तालुका खरेदी विक्री संघाने भाताच्या इंद्रायणी, भोगावती, फुले समृद्धी व सीओ ५१ या सुधारित जातीचे एक हजार ३० क्विंटल बियाणे विक्रीसाठी उपलब्ध केले आहे. भाताच्या सुधारित बियाण्याबरोबर घरगुती बियाणे देखील वापरण्यात येत असल्याचे व्यवस्थापक बाबाजी शिरसाठ यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.