आळेफाटा, ता. ६ ः आळे (ता. जुन्नर) येथे श्री क्षेत्र रेडा समाधीचा ७३३व्या संजीवन समाधी सोहळा, श्री संत ज्ञानेश्वर माऊलींच्या मूर्तीच्या ७१वा वर्धापन दिन व महाशिवरात्रीच्या निमित्ताने शुक्रवारपासून (ता. १३) अखंड हरिनाम सप्ताहाचे आयोजन केले आहे. यामध्ये दैनंदिन कार्यक्रमात काकडा, अभिषेक, महापूजा, सामुदायिक पारायण सोहळा, क्षेमाचे भजन, हरिपाठ तसेच सात ते नऊ या वेळेत असलेले शिवनेर भूषण राजाराम महाराज जाधव, सुदाम महाराज बनकर, ज्ञानेश्वर महाराज कदम (छोटे माऊली), भावार्थ महाराज देखणे, पद्माकर महाराज देशमुख, कृष्णा महाराज चौरे, जगन्नाथ महाराज पाटील, ज्ञानेश्वर महाराज कुऱ्हाडे, विठोबा महाराज कुमावतजी, डॉ. विकासानंद महाराज मिसाळ, गुरूवर्य पांडुरंग महाराज घुले यांची कीर्तन सेवा होणार आहे.
तसेच महाशिवरात्रीच्या दिवशी सकाळी आठ वाजता श्री. संत ज्ञानेश्वर महाराजांच्या पादुकांचे स्वागत व मिरवणूक झाल्यानंतर आळंदी देवाची येथील ज्ञानेश्वर महाराज कदम यांचे कीर्तन होणार आहे. त्यानंतर श्री. रेडा समाधीवर पुष्पवृष्टी करण्यात येणार आहे. तरी परिसरातील सर्व भाविक भक्तांनी या कार्यक्रमाचा लाभ घ्यावा, अशी विनंती अखंड हरिनाम सप्ताह कमिटीचे अध्यक्ष संजय कुऱ्हाडे, ज्ञानेश्वर महाराज देवस्थान ट्रस्टचे अध्यक्ष अविनाश कुऱ्हाडे, उपाध्यक्ष संदीप पाडेकर, सचिव जीवन शिंदे, खजिनदार संजय गुंजाळ व देवस्थान ट्रस्टचे व्यवस्थापक कान्हू पाटील कुऱ्हाडे यांनी दिली आहे.