पुणे : पाइपलाइनद्वारे पुरवण्यात येणारा गॅसचा पुरवठा शनिवारी (ता.२२) दुपारी अचानक बंद झाल्याने माणिकबाग आणि आनंदनगर येथील अनेक सोसायट्यांमधील रहिवाशांची गैरसोय झाली. गणेशोत्सवाच्या पहिल्याच दिवशी तारांबळ झाल्याने अनेक कुटुंबीय त्रस्त झाले.

- Video:गणेशोत्सवासाठी पुणे पोलिसांचा विशेष लघुपट; तुम्ही पाहिला का?

सिंहगड रस्ता परिसरात असलेल्या काही सोसायट्यांना महाराष्ट्र नॅचरल गॅस लिमिटेड (एमएनजीएल) मार्फत गॅसचा पुरवठा करण्यात येतो. या पाईपलाईनवर असलेला दबाव कमी झाल्याने शनिवारी दुपारी अनेकांच्या घरी गॅस येत नव्हता. गणरायाच्या आगमनाच्या दिवशी गॅस  पुरवठ्याचा खेळखंडोबा झाल्याने तेथील नागरिकांची गैरसोय झाली. याबाबत रहिवाशांनी गॅस पुरवठा करणाऱ्या कंपनीकडे तक्रार केल्यानंतर दुरुस्तीचे काम हाती घेण्यात आले. त्यानंतर संध्याकाळी पाचच्या सुमारास सुरळीतपणे गॅसचा पुरवठा सुरू झाला होता.

- पुण्यातील 'जम्बो हॉस्पिटल'चा मुख्यमंत्र्यांच्या हस्ते होणार 'श्रीगणेशा'!​

सिंहगड रस्त्यावरील मकरंद पार्क या इमारतीत राहणारे मिलिंद दर्जे यांनी याबाबत सांगितले की, दुपारी दोनच्या सुमारास गॅस पुरवठा पूर्ण थांबला होता. त्यामुळे काहीही बनवता आले नाही. पर्यायी व्यवस्थेसाठी ऐनवेळी धावपळ करावी लागली. दबाव कमी असल्याने गॅसचा पुरवठा होण्यास अडचणी येत होती. ग्राहकांची तक्रार आल्यानंतर आमच्या पथकाने त्वरित त्या ठिकाणी धाव घेत पुरवठ्यातील अडचणी दूर केली, असे एमजीएनएलकडून सांगण्यात आले.

- पुण्याच्या बातम्या वाचण्यासाठी येथे ► क्लिक करा

(Edited by : Ashish N. Kadam)