पुणे - सिंहगड रस्त्यावरील नांदेड फाटा ते डोणजे-पाबेपर्यंत रस्त्याच्या कामावर २१० कोटींचा खर्च प्रस्तावित आहे. त्यापैकी आजअखेर ८० कोटी रुपये या रस्त्याच्या कामावर खर्च करण्यात आले आहेत. हे काम येत्या मार्च महिन्यापर्यंत होणे अपेक्षित होते; पण अजून जवळपास निम्मे काम रखडलेले आहे. सार्वजनिक बांधकाम विभागातील वरिष्ठ अधिकाऱ्यांना कंत्राटदाराकडून काम वेळेत पूर्ण करून घेणे शक्‍य झालेले नाही.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

सार्वजनिक बांधकाम विभागाने नांदेड सिटीपासून किरकटवाडी, खडकवासला, गोऱ्हे बुद्रूक, डोणजे, खानापूर आणि पाबेपर्यंत अशा ३२ किलोमीटरपर्यंत रस्त्याच्या कामाचे कंत्राट ठेकेदाराला दिले आहे. सार्वजनिक बांधकाम विभागाच्या माहितीनुसार, रोडवे सोल्यूशन लोणावळा हायवे प्रा. लि. कंपनीला हे कंत्राट देण्यात आले आहे. या कंपनीकडून रस्त्याच्या एकूण कामापैकी १० किलोमीटर डांबरीकरणाचे काम पूर्ण झाले आहे. तर, पाच किलोमीटर रस्त्याच्या डांबरीकरणाचे काम सध्या सुरू आहे. सिमेंट काँक्रिटीकरणाच्या ११ किलोमीटरपैकी केवळ तीनच किलोमीटर काम पूर्ण झाले आहे. तर, तीन किलोमीटरचे काम सध्या सुरू आहे. या रस्त्याच्या कामाची गुणवत्ता राखणे, अपघात होऊ नयेत, या दृष्टीने रस्त्याची कामे पूर्ण करणे अपेक्षित आहे. सार्वजनिक बांधकाम विभागातील संबंधित वरिष्ठ अधिकारी याकडे गांभीर्याने पाहणार का?

सिरमच्या लसीचा वाद कोर्टात; 'कोव्हिशिल्ड'बाबत कंपनीचे स्पष्टीकरण

पर्यटकांनी वेग मर्यादेसह इतर वाहतूक नियमांचे पालन करावे. काम सुरू असलेल्या ठिकाणी ठेकेदाराने संरक्षक पट्टी, रिफ्लेक्‍टर, बॅरिकेड्‌स आणि सूचना फलक लावणे गरजेचे आहे. शनिवार-रविवार वाहतूक कोंडी होते. त्यामुळे पोलिस प्रशासनावर ताण येतो. वाहतूक पोलिसांसह होमगार्ड महत्त्वाच्या ठिकाणी तैनात करण्यात आले आहेत.
- सदाशिव शेलार, पोलिस निरीक्षक, हवेली पोलिस ठाणे

आई-पप्पा माफ करा, आत्महत्या करतेय; तरुणीने फेसबुकवर पोस्ट केली आणि...

सार्वजनिक बांधकाम विभागाच्या मागणीनुसार आवश्‍यक त्या ठिकाणी वीजवाहिन्या भूमिगत करण्यासाठी अंदाजपत्रक मंजूर केले आहे. पुढील कार्यवाही बांधकाम विभागाने करायची आहे. 
- कल्याण गिरी, अतिरिक्त कार्यकारी अभियंता, महावितरण

Edited By - Prashant Patil