जुन्नर (पुणे) : जुन्नर तालुक्‍यातील कोरोनाबाधित रुग्णांचे बरे होण्याचे प्रमाण चांगले असून, 19 गावांतील 33 पैकी 26 जण बरे झाले आहेत. सध्या सहा गावांतील सहा जण ऍक्‍टिव्ह आहेत. औरंगपूर येथील एका रुग्णाचा मृत्यू झाला आहे. 

वाहनचालकांनो, तुमच्यासाठी आहे ही महत्त्वाची बातमी

जुन्नर शहरातील कोरोनाबाधित रुग्णाच्या कुटुंबातील सदस्य व नातेवाईक, अशा दहा जणांचे तपासणी अहवाल निगेटिव्ह आले आहेत. त्यामुळे जुन्नर शहरवासियांना तात्पुरता दिलासा मिळाला आहे. त्याच्या संपर्कातील आणखी दोघांचे अहवाल येणे बाकी असल्याचे मुख्याधिकारी डॉ. जयश्री काटकर व आरोग्य विभाग प्रमुख प्रशांत खत्री यांनी सांगितले. 

पेट्रोलच्या दरवाढीचा दस का दम

जु्न्नर तालुक्‍यात बाहेरून आलेल्या एकूण 3 हजार 630 जणांपैकी 56 जणांना संस्थात्मक, तर 3 हजार 574 नागरिकांना होम क्वारंटाइन केले आहे. एकूण 391 जणांचे स्वॅब तपासणीसाठी घेण्यात आले असून, केवळ चार जणांचे अहवाल प्रतीक्षेत आहेत. 

पुण्याच्या इतर बातम्या वाचण्यासाठी येथे क्लिक करा

गावनिहाय रुग्णांचा तपशील पुढीलप्रमाणे : डिंगोरे- 1 (बरा), सावरगाव- 5 (बरे), मांजरवाडी- 2 (बरे), पारुंडे- 3 (बरे), आंबेगव्हाण- 2 (बरे), धोलवड- 3 (बरे), धालेवाडीतर्फे मिन्हेर- 1 (बरा), विठ्ठलवाडी वडज- 1 (बरा), शिरोलीतर्फे आळे 2 (बरे), खिलारवाडी- 1 (बरा), कुरण- 1 (बरा), चिंचोली- 3 (बरे), ओतूर- 1 (बरा). मृत्यू : औरंगपूर- 1. ऍक्‍टिव्ह : ओतूर- 1, नवलेवाडी- 1, धामणखेल- 1, कुसूर- 1, जुन्नर- 1, राजुरी- 1. एकूण रुग्ण- 33, मृत्यू- 1, बरे- 26, ऍक्‍टिव्ह- 6.