पुणे : लाॅकडाऊनच्या काळात सावित्रीबाई फुले पुणे विद्यापीठातील अनेक कर्मचारी, अधिकारी मुख्यालय सोडून दुसऱ्या गावांमध्ये गेले आहेत. या सर्वांनी सोमवार (ता.१८) पर्यंत विद्यापीठात हजर राहावे, असे आदेश विद्यापीठ प्रशासनाने दिले आहेत.

- ताज्या बातम्यांसाठी डाऊनलोड करा ई-सकाळचे ऍप

'कोरोना'चा प्रतिबंध करण्यासाठी लाॅकडाऊन सुरू झाल्यावर पुणे विद्यापीठाच्या आवारात राहणारे अनेक कर्मचारी, अधिकारी विद्यापीठ सोडून बाहेर गेले आहेत. ज्यांना बाहेर जायचे होते त्यांनी परवानगी घेऊन विद्यापीठ सोडणे अपेक्षीत होते. मात्र सूत्रांकडून मिळालेल्या माहितीनुसार सुमारे २०० जण पुण्याबाहेर आहेत. त्याचा परिणाम विद्यापीठाच्या कामकाजावर होत आहे. 

या कर्मचारी आणि अधिकारी यांना परत येण्यासाठी परवानगी मिळत नसल्याने ते तिकडेच अडकून पडले आहेत. त्यामुळे  विद्यापीठाने यासंदर्भात पत्र दिले, तर आम्हाला पुण्यात परत येता येईल, अशी विनंती प्रशासनाला केली होती. 

- पुणे : जनता वसाहतीत कोरोनाची एन्ट्री; पाच जणांना 'अशी' झाली लागण!

पुणे विद्यापीठात परीक्षा, नवीन शैक्षणिक वर्ष, अभ्यासक्रम यासह इतर महत्त्वाची कामे सुरू आहेत. अशा काळात विद्यापीठात राहणाऱ्यांची गरज पडत आहे. त्यामुळे लाॅकडाऊन किंवा संचारबंदीत मुख्यालय सोडून इतर ठिकाणी असलेल्या अधिकारी, कर्मचाऱ्यांनी १७ मे पर्यंत परत यावे आणि कामावर रूजू झाल्याचा ई-मेल करावा असे आदेश दिले आहेत. 

- पुण्यावर नामुष्की : ऍम्ब्युलन्स न आल्यानं रस्त्यावर एकाचा मृत्यू 

याबाबत कुलसचिव प्रफुल्ल पवार म्हणाले, "मुख्यालय सोडून बाहेर गेलेल्या कर्मचारी, अधिकारी यांनी परत येण्यासाठी परिपत्रक काढले आहे. प्रवासाचा परवाना मिळविण्यासाठी कर्मचारी, अधिकारी यांना त्यांच्या ओळखपत्रासह हे परिपत्रक उपयुक्त ठरेल.''

- पुण्याच्या बातम्या वाचण्यासाठी येथे क्लिक करा