केडगाव - पुणे-दौंड लोहमार्गावर दौंड, बारामती, हवेली, श्रीगोंदा या चार तालुक्यांच्या दृष्टीने अत्यंत महत्त्वाची असणारी विद्युत लोकलसेवा सुरू करावी, अशी मागणी आमदार राहुल कुल यांनी रेल्वेमंत्री पीयूष गोयल यांच्याकडे केली आहे.
- पुण्याच्या बातम्या वाचण्यासाठी येथे ► क्लिक करा
आमदार कुल यांनी दौंड तालुक्यातील रेल्वेशी संबंधित विविध प्रश्नांवर मार्ग काढण्यासाठी गोयल यांची दिल्ली येथे भेट घेतली. याबाबत त्यांनी सांगितले की, रेल्वेची सेवा विस्तारण्याच्या व प्रवाशांच्या दृष्टीने अत्यंत महत्त्वाच्या दौंड- पुणे लोहमार्ग विद्युतीकरणाचे काम पूर्ण होऊन ४ वर्षांपेक्षा जास्त काळ लोटला आहे. त्यामुळे दौंड- पुणे मार्गावर तातडीने विद्युत लोकल चालू करावी. या मार्गावर दिवसेंदिवस प्रवाशांची वाढती संख्या लक्षात घेता लोकलच्या १२ फेऱ्याची गरज आहे.
दौंड रेल्वे कॉर्ड लाइन स्टेशन पूर्णपणे विकसित होईपर्यंत दौंड- नगर मार्गावरील सर्व प्रवासी रेल्वेगाड्यांना दौंड स्टेशनवर थांबा द्या. दौंड तालुक्यातील आठ रस्त्यांवर सुरक्षेच्या दृष्टीने धोकादायक असणाऱ्या मानवरहित रेल्वे क्रॉसिंगवरील नांदूर- सहजपूर रस्ता, खामगाव- कासुर्डी रस्ता, भांडगाव- खुटबाव रस्ता, बोरीपार्धी- नानगाव रस्ता, वरवंड- कडेठाण रस्ता आदी मार्गांवर उड्डाणपूल किंवा भुयारी मार्ग तयार करावा, अशी मागणीही त्यांनी केली आहे.
Edited By - Prashant Patil
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.