हिंजवडी : खंडित वीज पुरवठ्यामुळे संगणक बंद असल्याने महापोर्टलच्या परीक्षेदरम्यान विदयार्थ्यांनी गोंधळ घालत परीक्षा बंद पाडली. हा प्रकार मारुजी येथील आलार्ड कॉलेजमध्ये घडला. या कॉलेजमध्ये स्टेट बोर्डाच्यावतीने घेण्यात आलेल्या कनिष्ठ लिपिक पदाची ऑनलाईन परीक्षा सुरू होती.  

ताज्या बातम्यांसाठी डाऊनलोड करा ई-सकाळचे एप 

सकाळी 11 वाजता ऑनलाईन पेपर सुरू होताच, विजेचा लपंडाव सुरू झाला आणि संगणक बंद पडू लागले. पुन्हा वीजपुरवठा सुरू झाल्यानंतर इंटरनेट लोड होण्यास विलंब होत असल्याने परीक्षार्थी चिडले व परीक्षा नियंत्रकाकडे गेले. वारंवार संगणक बंद पडू लागल्याने विद्यार्थ्यांनी गोंधळ घालत परीक्षा बंद पाडली. अखेर हा गोंधळ व जमावाला शांत करण्यासाठी पोलिसांना पाचारण करावे लागले.

Video: पोलिसांनी दंड केल्यावर भररस्त्यात ढसाढसा रडला...

अखेर हिंजवडी पोलिसांनी घटनास्थळी धाव घेत परिस्थिती आटोक्यात आणली. आजची परीक्षा रद्द करून पुन्हा नव्याने तारीख निश्चित करण्यात येईल असा निर्णय प्रशासनाने घेतला व त्याबाबतची नोटिस प्रवेशद्वारवर लावली असल्याचे पोलीस निरीक्षक यशवंत गवारी यांनी सांगितले . 

माजी केंद्रीय मंत्री अरुण शौरी रुग्णालयात दाखल; डोक्याला झाली इजा