पुणे : पुण्यात स्पर्धा परीक्षेची तयारी करणारे विद्यार्थी जे गावाकडे जाऊ शकले नाहीत, अशा शेकडो विद्यार्थांचे जेवणाचे हाल होत असून, त्यांच्या जेवणासाठी काही सामाजिक संस्थांनी मदत करावी, तसेच जेवण पोहोचविण्यासाठी पोलिसांनी सुट द्यावी अशी मागणी करण्यात आली आहे. 

बातम्या ऐकण्यासाठी डाऊनलोड करा ई-सकाळचे ऍप

कोरोना'मुळे पुण्यातील सर्व हाॅटेल, खानावळी बंद झाल्या आहेत, चहा सुद्धा प्यायला मिळत नाही अशी अवस्था असताना दत्तवाडी, नवी पेठ, सदाशिव पेठ, शिवाजीनगर गावठाण, नारायण पेठ, शुक्रवार पेठ, कर्वेनगर या भागांमध्ये अनेक विद्यार्थी अडकून पडलेले आहेत. त्यांना गावाकडे ही जाता येत नाही व रुमच्या बाहेर पडूनही काहीच मिळत नसल्याने त्यांच्या खाण्याचा प्रश्न गंभीर निर्माण झालेला आहे. बरेच मुलं व मुली मॅगी आणि बिस्किट वर दिवस काढत आहेत, काही जणांकडचे पैसे देखील संपत आले आहेत. रूमवर गॅस किंवा इतर सुविधा नसल्याने जेवणा अभावी हाल होत आहेत. 

कोरोनाशी संबंधित बातम्या वाचण्यासाठी येथे ► क्लिक करा 

अशा विद्यार्थांना फुड पॅकेट देण्यासाठी व पोहोचविण्यासाठी सामजिक संस्थांनी मदत करावी. तसेच 
 यासाठी पोलिसांनी परवानगी द्यावी अशी मागणी एमपीएससी स्टुडंट्स राईट्सचे महेश बडे यांनी केली आहे. ज्यांना मदत करायची आहे त्यांनी बडे यांच्याशी या 919158278484 क्रमांकावर संपर्क साधावा.

हेही वाचा : पुणे विद्यापीठातील केंद्राला 'नॅशनल रिसोर्स सेंटर'चे नामांकन