हडपसर (पुणे) : करोनाच्या भितीमुळे शहरातील हॉस्टेल्स आणि विद्यार्थ्यांची निवासस्थाने आता बहुतांशी रिकामी झाली असली, तरीही संचारबंदीच्या काळात शहरात अडकून पडलेल्या विद्यार्थ्यांसाठी हडपसर येथील अॅड. अमोल कापरे व अॅड. रवी लाढाणे या दोन युवकांकडून अडचणीत सापडलेल्या विद्यार्थ्यांचा शोध घेऊन त्यांना जेवणाचे मोफत ५० डबे पुरविण्याचे सामाजिक कर्तव्य बजावत आहेत.

पुण्यातील `या` कंटेन्मेंट झोनमधील नागरिकांची होतीये उपासमार

याबाबत विदयार्थी प्रथमेश डेबे म्हणाला, संचारबंदीमुळे जेवणाचे खूप हाल झाले. मात्र, अॅड अमोल कापरे व अॅड. रवी लाढाणे याच्यांमुळे माझ्या दोन्ही वेळच्या जेवणाचा प्रश्न मिटला. त्यामुळे त्यांचा मी खूप आभारी आहे. 
सध्या कोरोनो विषाणूचा प्रादुर्भाव पुण्यात झाला असताना तो वाढू नये म्हणून हॅाटेल, खानवळी बंद आहेत. अशावेळी महाविदयालयात शिकणा-या आणी मूळ पुणेकर नसणा-या विदयार्थ्यांचे हाल होउन नये म्हणून आम्ही हा उपक्रम चालू केला असल्याची माहिती अॅड. रवी लाढाणे यांनी दिली.

पुण्यातील इतर बातम्या वाचण्यासाठी येथे- क्लिक करा 

दरम्यान, याबाबत सकळाशी बोलताना अॅड. अमोल कापरे म्हणाले, डब्यात डाळ, तांदूळ आणि वस्तू साठवून ठेवण्यापेक्षा त्या गरजू व्यक्तींसाठी उपयोगी पडणे अधिक महत्वाचे आहे. शेवटी वस्तू संपण्यासाठी आहेत आणि कोरोनाही आज ना उदया जाणार आहे. मात्र, माणुसकी कायमस्वरूपी टिकणार आहे. आपण तोच विचार करायला हवा. शेवटी बाहेरून येणारे विदयार्थी हे पुणेकरांचे पाहुणे आहेत. आपल्यावर त्यांची नैतिक जबाबदारी आहे. त्यामुळे त्यांना मदत करायलाच हवी.
या युवकांना अॅड. गिरीश वेदपाठक, अॅड. सुरेंद्र संकपाळ, अमोल इनामके, अतुल कर्णे, रुपेश काळे, निखिल बेनकर, अनिकेत पटणे, केतन खोमणे मदत करत आहेत.