पुणे : हॉटेलमध्ये पार्टीसाठी जमलेल्या महाविद्यालयीन विद्यार्थ्यांनी ध्वनिवर्धकावर गाणे लावण्यास सांगितल्यावरून हॉटेलमधील बाऊन्सरने त्यांना बेदम मारहाण केली. ही घटना पाषाण भागातील हॉटेलमध्ये गुरुवारी रात्री बाराच्या सुमारास घडली. या घटनेमध्ये काही विद्यार्थी जखमी झाले.

ताज्या बातम्यांसाठी डाऊनलोड करा ई-सकाळचे ऍप

याप्रकरणी प्रतीक उत्तम कदम (वय 20, रा. गोखलेनगर) याने चतु:शृंगी पोलिस ठाण्यात फिर्याद दिली. त्यावरून योगेश मानकर, वरुण पाटील, रोहन निम्हण यांच्यासह दहा ते बारा बाऊन्सरविरोधात गुन्हा दाखल करण्यात आला. याप्रकरणी परस्परविरोधी तक्रारी दाखल झाल्या आहेत.

पुणे : डीएसकेंची आणखी एक आलिशान कार पोलिसांनी केली जप्त!

फिर्यादी कदम हा एका नामांकित महाविद्यालयात शिक्षण घेत आहे. दरम्यान, विद्यार्थ्यांना निरोप देण्यासाठी गुरुवारी रात्री त्यांनी पाषाण येथील हॉटेल ठिकाणामध्ये फेअरवेल पार्टीचे आयोजन केले होते. या पार्टीसाठी कदम, त्याचे मित्र स्वप्नील शिंगारे, स्वप्नील गव्हाणे, शुभम क्षीरसागर, राहुल होळकर, यश बनसोडे, विनय भुवड हेही पोचले. रात्री पावणेबाराच्या सुमारास हॉटेलमधील ध्वनिवर्धक बंद करण्यात आले. मात्र विद्यार्थ्यांनी हॉटेलमधील कर्मचाऱ्यांना ध्वनिवर्धकावर गाणी लावण्यास सांगितले. त्यामुळे विद्यार्थी व हॉटेलमधील कर्मचारी यांच्यात वाद झाला. त्यानंतर कदम, शिंगारे, गव्हाणे, होळकर, बनसोडे, भुवड हॉटेलमधून बाहेर पडले. त्या वेळी मानकर, पाटील, निम्हण तसेच त्यांच्याबरोबर असलेल्या दहा ते बारा बाऊन्सरने विद्यार्थ्यांना लोखंडी सळईने मारहाण केली. त्यामध्ये विद्यार्थ्यांना गंभीर दुखापत झाली.

टिळक रस्त्यावरील 'तो' आक्षेपार्ह फ्लेक्स पोलिसांनी हटवला

बाऊन्सरकडून ग्राहक टार्गेट'
सेनापती बापट रस्त्यावरील एका पंचतारांकित हॉटेलमध्येही बाऊन्सरने तरुणी व तिच्या मित्राला मारहाण करीत तरुणीचा विनयभंग केला होता. चतुःशृंगी पोलिसांनी हे प्रकरण दडपण्याचा प्रयत्न केला होता. या घटनेनंतर पुन्हा एकदा हॉटेलमधील बाऊन्सरकडून विद्यार्थ्यांना मारहाण करण्याचा प्रकार पुढे आला आहे. 

Video : पुण्यात वाडा कोसळला अन् 'ते' दोघे....