मयुर कॉलनी : लॉकडाऊन होताच पौंड रस्त्यावरील भुयारी मार्ग बंद करण्यात आले होते. अनलॉकनंतर हे भुयारी मार्ग वापरासाठी खुले होणे अपेक्षित असताना खुले झाले नव्हते. नागरिकांच्या मागणीनुसार भुयारी मार्ग खुले करावे याबाबत दैनिक सकाळमध्ये बातमी प्रसिद्ध करण्यात आली होती.

- पुण्याच्या बातम्या वाचण्यासाठी येथे ► क्लिक करा

दरम्यान, बातमीची दखल घेऊन महापालिका प्रशासनाने आज शुक्रवार ( ता.४ डिसेंबर) रोजी पौंड रस्त्यावर असलेले वनाज कॉर्नर येथील नानासाहेब धर्माधिकारी भुयारी मार्ग,जय भवानी चौकातील भुयारी मार्ग तसेच मोरे विद्यालय चौकातील शहिद भगतसिंग भुयारी मार्ग हे तिन्ही भुयारी मार्ग खुले केले आहेत.

खडकवासला धरणाच्या मागच्या बाजूला कचऱ्याचे ढीग; व्यावसायिकांकडून होतेय विद्रुपीकरण

मेट्रोचे काम सुरू असल्याने जेष्ठ नागरिकांना जीव मुठीत धरून रस्ता ओलांडून जावे लागत होते. रस्तावर काही ठिकाणी सिंग्नल देखील नसल्याने रस्ता ओलांडणे धोकादायक होत असे.शुक्रवार (ता. ४ डिसेंबर) पासून भुयारी मार्ग खुले करण्यात आले आहेत. भुयारी मार्ग खुले करावे याबाबत स्थानिक नागरिक राघवेंद्र निलेगांवकर, गिरीश गुरनानी, शंकर कानगुडे, मयुरेश मंचरकर या़नी प्रशासनाने मागणी केली होती.

मराठा क्रांती मोर्चाची 'महावितरण' कार्यालयावर धडक; भरती प्रक्रिया उधळली

नागरिकांच्या मागणीनुसार भुयारी मार्ग सुरू केले आहेत. स्वच्छता ठेवण्यात येईल. सुरक्षाव्यवस्था ठेवण्यात आली आहे. नागरिकांनी त्याचा वापर करावा,जेणेकरून वाहतुकीस अडथळा होणार नाही व अपघात टळतील. -संदीप कदम, कोथरूड बावधन क्षेत्रीय अधिकारी