पौड (पुणे) ; महाराष्ट्र राज्य माध्यमिक आणि उच्च माध्यमिक मंडळाच्यावतीने घेण्यात आलेल्या इयत्ता बारावीच्या परीक्षेचा मुळशी तालुक्याचा निकाल 93.33 टक्के लागला आहे. गतवर्षीपेक्षा या वर्षी निकालात तब्बल बारा टक्क्यांनी भर पडली आहे. उत्तीर्णांमध्ये नेहमीप्रमाणेच मुलींनीच बाजी मारली आहे.

असा चेक करा बारावीचा रिझल्ट

मुळशी तालुक्यात पौड, पिरंगुट, भूगाव, हिंजवडी, कासारआंबोली, ताथवडे, मारूंजी, भांबर्डे, उरवडे, बावधन, माण या अकरा ठिकाणी कला, वाणिज्य, विज्ञान शाखेचे बारावीचे वर्ग आहेत. तर, पौड व पिरंगुट येथे व्यवसाय अभ्यासक्रमाचे विविध अभ्यासक्रम शिकविले जातात. या सर्व शाळांमधून 1421 मुले आणि 1217 मुली, असे एकूण 2638 विद्यार्थी परीक्षेला बसले होते. त्यापैकी 1308 मुले आणि 1154 मुली, असे एकूण 2462 विद्यार्थी उत्तीर्ण झाले. मुलांचे उत्तीर्णांचे प्रमाण 92.05 टक्के, तर मुलींचे प्रमाण तब्बल 94.82 टक्के आहे.

आईने सांगितला तसा अभ्यास केला आणि बोर्डाच्या परीक्षेत पहिला आला

तालुक्यातील विविध शाळांचे निकाल पुढीलप्रमाणे : श्री छत्रपती शिवाजी विद्यालय पौड (कला- 83.33, वाणिज्य 100, व्यवसाय विभाग- 100), पिरंगुट इंग्लिश स्कूल (कला- 93.67, वाणिज्य- 98.27, विज्ञान- 97.17, व्यवसाय विभाग- 97.29), न्यू इंग्लिश स्कूल हिंजवडी (कला- 67.85, वाणिज्य- 91.11), माध्यमिक विद्यालय भूगाव (वाणिज्य- 96.55), राणी लक्ष्मीबाई सैनिकी शाळा कासारआंबोली (विज्ञान- 74.32), बालाजी ज्युनियर कॉलेज ताथवडे (विज्ञान- 100, वाणिज्य- 100), मारूंजी विद्यालय (वाणिज्य आणि विज्ञान दोन्ही 100), संपर्क विद्यालय भांबर्डे (वाणिज्य- 68.18), सूर्यदत्ता महाविद्यालय बावधन (कला- 96.38, वाणिज्य- 93.23, विज्ञान- 100, व्यवसाय विभाग- 100), अनुसया ओव्हाळ विद्यालय माण (कला- 74.19, वाणिज्य- 82.35), माध्यमिक विद्यालय उरवडे- 90.32), चैतन्य ज्युनियर कॉलेज नांदे (विज्ञान- 100), चाणक्य ज्य़ुनियर कॉलेज पिरंगुट (विज्ञान - 100, वाणिज्य- 100)

Edited By : Nilesh J shende