गोखलेनगर (पुणे) : शनिवारी रात्री नऊच्या सुमारास गोखलेनगरच्या रामोशीवाडी येथे राहत्या घरी अक्षय सुधाकर अलुरकर यांनी आत्महत्या केली. तर अक्षयच्या आईचा आकस्मात मृत्यू म्हणून चतुश्रृंगी पोलिस स्टेशनला नोंद करण्यात आली आहे.

काम देत का कुणी काम : ओझी उचलू, कुठेही राबू पण...

पोलिसांनी दिलेल्या माहितीनुसार, अक्षय अलुरकर (वय ३०) त्याची आई नलिनी अलुरकर (वय ५०) हे दोघे एकत्र रामोशीवाडी या ठिकाणी राहत होते. मागील सहा महिन्यांपूर्वी वडिलांचे रेल्वेने प्रवास करत असताना निधन झाले होते. परंतु, वडिलांचे पार्थिव त्यांना मिळाले नव्हते. वडिलांचा मृत्यू होऊन सहा महिने झाले नाहीत, तोपर्यंत अक्षय व त्याची आई नलिनी यांचा मृत्यू झाला आहे. अक्षयने राहत्या घरी फॅनला गळफास घेऊन आत्महात्या केली. तर त्याची आई नलिनी यांचा मृतदेह घरातच आढळून आला.

निसर्ग चक्रीवादळाचा महावितरणला शाॅक; `एवढे` झाले नुकसान...

नलिनी या आगोदरच काही तासांपूर्वी मृत्यू पावल्या होत्या. जनवाडी पोलिस चौकीचे सहाय्यक पोलिस निरीक्षक समीर चव्हाण हे घटनास्थळी दाखल झाले तेव्हा, नलिनी यांच्या मृत शरीराचा वास येत होता, असे चव्हाण यांनी सांगितले. घर भाड्याने देणे-घेणे एजंट म्हणून अक्षय काम करत होता. मयत अक्षय व त्याची आई नलिनी यांचे पार्थिव ससून रुग्णालयात शवविच्छेदन करण्यासाठी पाठविले आहे, अशी माहिती चतुश्रृंगी पोलिस स्टेशन कडून मिळाली आहे.सदर प्रकरणाचा तपास पोलिस उपनिरीक्षक बसवराज माळी हे करत आहेत.