पुणे : कोरोनामुळे प्रत्येकाला सक्तीने 'घरकैद' भोगावी लागते आहे ना?... यातून निर्माण होणारा मानसिक कोंडमारा दूर करायचाय?... त्यासाठीच चित्रकारांनी पुढाकार घेतला असून, 'द आयडिया ट्री' ही अॅक्टिव्हिटी सुरू केली आहे.

बातम्या ऐकण्यासाठी डाऊनलोड करा ई-सकाळचे ऍप

आणखी वाचा - हृदयविकार हेही आता कोरोनाचं लक्षण? हृदयविकाराच्या रुग्णांनी घ्या विशेष काळजी..

प्रसिद्ध चित्रकार अनुराधा ठाकूर यांनी विविध देशातील कलाकारांना इंटरनेटच्या माध्यमातून एकत्र आणले आणत फेसबुकवर 'द आयडिया ट्री' हे पेज सुरू केले आहे. इन्स्टाग्रामवर याच नावाने अॅक्टिव्हिटी सुरू केली आहे. महाराष्ट्राबरोबरच, बंगळूर शहर तसेच अमेरिका, इटली, ऑस्ट्रेलिया देशांतून नागरिक त्यात भाग घेऊ लागले आहे.
ठाकूर सकाळशी बोलताना म्हणाल्या, "घरात कोंडून राहिल्यामुळे आपल्या सहज प्रवृत्ती प्रवाही राहत नाहीत. त्यातून मानसिक कोंडमारा होत राहातो आणि अनेक समस्या निर्माण होऊ शकतात. म्हणून समाज माध्यमांद्वारे आम्ही हा उपक्रम सुरू केला आहे. त्यासाठी पुण्यातून प्रणील लासुरे, बंगळूर अविनाश देशमुख, मुंबईतून संस्कृती सेराव, नाशिकहू साक्षी चौधरी, अमेरिकेहून आसावरी कुलकर्णी आणि ऑस्ट्रेलियाहून उर्वी करानी या कलाकारांची मला मदत मिळते आहे."

आरेच्या दुधाच्या टेम्पोत बियरच्या बाटल्या; पोलिसांनी अशी पकडली तस्करी!
"कला ही अशी एक गोष्ट आहे की त्याच्या मदतीने आपण मानसिक समस्यांवर मात करू शकतो. अनेक प्रयोगांनी हे सिद्ध झाले आहे. म्हणूनच लॉकडाऊनच्या काळात प्रत्येकाला कलात्म आविष्कार साकरता यावा, त्यातून घरामध्ये आनंदी आणि सर्जनशील वातावरण निर्माण व्हावे, हा या उपक्रमाचा उद्देश आहे. त्याला महाराष्ट्र नव्हे; तर जपान, अमेरिका आणि इटली या देशांतून प्रतिसाद मिळत असल्याचे ठाकूर यांनी सांगितले.

काय आहे अॅक्टिव्हिटी
'द आयडिया ट्री' या उपक्रमात भाग घेण्यासाठी घराबाहेर जावे लागत नाही. घरातूल वस्तू जसे वर्तमानपत्र, रंग आदींचा वापर करून वस्तू वा हस्तकला करण्यास सांगितली जाते. यात घरीच हँडमेड पेपर बनविणे, त्याचे बाऊल तयार करणे, वर्तमानपत्रांच्या कागदांचे पेन स्टँड, मोबाइल स्टँड आदी वस्तू तयार करून घेतल्या जातात. लहान-मुलांबरोबरच मोठी माणसेही या भाग घेऊ शकतात, असेे ठाकूर यांनी सांगितले.

अनुराधा ठाकूर म्हणाल्या, "मानवाच्या काही सहज प्रवृती असतात, त्यांना  रोजच्या जीवनातील  वेगवेगळ्या कृतींमधून योग्य वाट मिळत जाते. पण ती मिळाली नाही, तर त्या साठून त्याचे मानसिकदृष्ट्या वाईट परिणाम होतात. कधी त्या उफाळून बाहेर येतात. कलेच्या अभिव्यक्तींमधून या सहजप्रवृतींना योग्य वाट मिळते. डोक्यातल्या विचारांना सकारात्क दिशा मिळते. स्वनिर्मितीचा आनंद  तणाव कमी करतो. कधीकधी  काही शारीरिक व्याधींवरही मात करता येते."