पुणे : पुणे जिल्ह्यातील गाव कारभाऱ्यांची प्रवर्गनिहाय पदे मंगळवारी (ता.८) जाहीर करण्यात आली आहेत. यासाठी तालुकास्तरावर तहसीलदारांच्या अध्यक्षतेखालील बैठकीत ग्रामपंचायतींचे तालुकानिहाय आरक्षण सोडतीद्वारे मंगळवारी (ता.८) जाहीर करण्यात आले आहे. हे नवीन आरक्षण आतापासून पुढे होणाऱ्या निवडणुकीपासून लागू होणार आहे. 

- मोठी बातमी: शिक्षण सेवक भरतीला राज्य सरकारचा हिरवा कंदील; 6 हजार जागांसाठी होणार भरती​

जिल्ह्यातील 1 हजार 408 ग्रामपंचायतींपैकी 1 हजार 400 सरपंचांचे आरक्षण मंगळवारी काढण्यात आले आहे. दर पाच वर्षांनी सरपंचपदाचे आरक्षण जाहीर केले जाते. आरक्षण जाहीर झाल्यानंतर होणाऱ्या सार्वत्रिक निवडणुकीपासून या नवीन आरक्षणाची अंमलबजावणी करण्यात येत असते. डिसेंबरअखेरपर्यंत पुणे जिल्ह्यातील 749 ग्रामपंचायतींची मुदत संपुष्टात येत आहे. यापैकी मुदत शिल्लक असलेल्या ग्रामपंचायतींचा अपवाद वगळता अन्य सर्व ग्रामपंचायतींवर प्रशासक नेमण्यात आलेला आहे. त्यामुळे डिसेंबर संपताच पुढील वर्षी जानेवारीच्या पहिल्या आठवड्यात मुदत संपलेल्या सर्व ग्रामपंचायतींच्या पंचवार्षिक निवडणुका होण्याची शक्‍यता आहे.

- पुण्याच्या शिरपेचात आणखी एक मानाचा तुरा; ई-बाईक सेवा देणारं पहिलं शहर ठरणार!​

जिल्ह्यातील एकूण ग्रामपंचायतींपैकी 8 ग्रामपंचायती नव्याने स्थापन झालेल्या आहेत. त्यामुळे या नवीन ग्रामपंचायतींचे आरक्षण करण्यात आले नाही. उर्वरित 1 हजार 400 पैकी 114 ग्रामपंचायती या आदिवासी क्षेत्रातील (पेसा क्षेत्र) आहेत. त्यामुळे या पेसा क्षेत्रातील सर्वच्या सर्व ग्रामपंचायतींचे सरपंचपद हे अनुसूचित जमातीसाठी (एस.टी.) राखीव करण्यात आले आहे. त्यामुळे या ग्रामपंचायतींच्या कारभाऱ्यांची आरक्षण सोडत काढण्यात आली नाही. केवळ यापैकी 58 जागा महिलांसाठी निश्‍चित करण्यात आल्या.

- Bharat Bandh : महाविकास आघाडीचा पुण्यातील मोर्चा पोलिसांनी रोखला; परवानगी नाकारली 

प्रवर्गनिहाय नवे आरक्षण (कंसात महिलांसाठीची पदे)

- अनुसूचित जाती (एस.सी.) - 125 (66).
- अनुसूचित जमाती (एस.टी.) - 58 (33).
- पेसा क्षेत्र (फक्त एस.टी.साठी) - 114 (58).
- नागरिकांचा मागास प्रवर्ग (ओबीसी) - 347 (177).
- सर्वसाधारण (खुले) - 756 (383).
- आरक्षण काढण्यात येणाऱ्या ग्रामपंचायती - 1400.
- महिलांसाठी राखीव गावांची संख्या - 717 (सर्व प्रवर्ग मिळून)
- खुल्या गटासाठीच्या ग्रामपंचायती - 683 (सर्व प्रवर्ग मिळून)

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)