पुणे - देशात शिक्षणासाठी येणाऱ्या आंतरराष्ट्रीय विद्यार्थ्यांना भेडसावणाऱ्या वसतिगृह, खानावळ, व्हिसा व इतर शैक्षणिक समस्यांच्या निराकरणासाठी विद्यापीठ अनुदान आयोग, आयसीसीआर, मनुष्यबळ विकास मंत्रालय, परराष्ट्र मंत्रालय यांचा एकत्रित टास्क फोर्स गठित करण्यात येणार आहे, अशी माहिती मनुष्यबळ विकासमंत्री रमेश पोखरियाल निशंक यांनी दिली.
किवळे येथील सिंबायोसिस आंतरराष्ट्रीय अभिमत विद्यापीठात भारतीय सांस्कृतिक संबंध परिषदेच्या (आयसीसीआर) वतीने दोनदिवसीय डेस्टिनेशन इंडिया परिषदेचे आयोजन करण्यात आले आहे. परिषदेच्या उद्‌घाटन समारंभानंतर आयोजित पत्रकार परिषदेत ते बोलत होते. या वेळी परिषदेचे अध्यक्ष खासदार डॉ. विनय सहस्रबुद्धे, सिंबायोसिसचे कुलपती डॉ. शां. ब. मुजुमदार, सावित्रीबाई फुले पुणे विद्यापीठाचे कुलगुरू डॉ. नितीन करमळकर, अनिल सहस्रबुद्धे, अखिलेश मिश्रा उपस्थित होते. जगभरातील विद्यार्थ्यांना भारतातील शिक्षणसंस्थांकडे आकर्षित करण्यासाठी आवश्‍यक नीतीची चर्चा परिषदेत होणार आहे.
डॉ. विनय सहस्रबुद्धे म्हणाले, ‘‘आंतरराष्ट्रीय स्तरावर राजकीय, व्यापारी संबंधासाठी वेगवेगळ्या परिषदा कार्यरत आहेत; परंतु सांस्कृतिक आणि ज्ञानाच्या आदान-प्रदानासाठी कोणतीच परिषद अथवा संघटना कार्यरत नाही. भारताकडे असलेला संस्कृती आणि ज्ञानाचा ठेवा जगातील देशांसाठी मार्गदर्शक आहे. आयआयटीच्या धरतीवर इंडियन इन्स्टिट्यूट ऑफ डेमोक्रॅटिक गव्हर्नन्स आणि इंडियन इन्स्टिट्यूट ऑफ कल्चरल हार्मोनीची स्थापना करणे आवश्‍यक आहे.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.