पुणे : कोरोनाच्या संकटामुळे आमचे काम गेले. हातावर पोट असल्याने सध्या आम्हाला दोन वेळचं जेवण मिळणं अवघड आहे. त्यामुळे आता जगायचं कसं असा प्रश्‍न आमच्यापुढे आहे. आता तरी महाराष्ट्र इमारत व इतर बांधकाम कामगार कल्याणकारी मंडळाने आमचे प्रश्‍न सोडवावेत, अशी विनवणी शहरातील असंघटित-अंगमेहनती मजूर करीत आहेत.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

मंडळाकडे प्रलंबित मागण्यांसाठी "दगडखाण असंघटित कामगार विकास परिषदे'च्या माध्यमातून आज अपर कामगार आयुक्तालयासमोर "ताटली सत्याग्रह' करण्यात आला. शहरातील अनेक कष्टकरी त्यात सहभागी झाले होते. कोविड-19 च्या काळात राज्यकर्ते व प्रशासनाने असंघटित, अंगमेहनती आणि कष्टकरी कामगारांच्या दृष्टीने योग्य उपाययोजना केल्या नाहीत. दिल्ली सरकारने प्रत्येक असंघटित कामगाराच्या खात्यांवर पाच, हरियाना व पंजाब सरकारने चार हजार 500 तर उत्तर प्रदेश सरकारने पाच हजार रुपये जमा केले. कष्टक-यांची उपासमार थांबण्यासाठी इतर राज्यातील सरकारने मोफत 20 किलो गहू व 15 किलो तांदूळ दिले. मात्र राज्य शासनाने मजुरांना सरसकट अनुदान व अन्न-धान्य पुरवठा करण्यासाठी ठोस पावले उचललेली नाहीत, असे परिषदेचे अध्यक्ष ऍड. बस्तू रेगे यांनी सांगितले.

शेतकरयांपुढे एकीकडे असेल 'काटा' दुसरीकडे नोटा  : रावसाहेब दानवे

नोंदणीकृत सदस्यांबाबत या आहेत मागण्या ः
- मंडळाचे पाच वर्ष सभासदत्व घेतलेल्या सदस्यांना प्रतिवर्षी नूतनीकरणाची अट रद्द करावी
- मार्चपासून दरमहा पाच हजार रुपयांचा उदरनिर्वाह निधी द्यावा
- बचत गटामार्फत मोफत माध्यान्ह भोजन द्यावे
- सदस्य व त्यांच्या कुटुंबीयांची मोफत आरोग्य तपासणी करावी व त्यांचा विमा काढावा
- कोरोनामुळे मृत्यू झालेल्या सदस्यांच्या वारसांना पाच लाखांची मदत करावी
- महिला सदस्यांना पर्यायी स्वयंरोजगार सुरू करण्यासाठी 25 हजार रुपये द्यावेत
- मुलांच्या शिक्षणासाठी 25 हजार ते दोन लाखापर्यंतचा निधी द्यावा
- कामगारांच्या घर बांधणीसाठी किमान पाच लाखांची मदत करावी.

पोलिस मामाने लढवली शक्कल... पीकअप झाली अॅम्ब्युलन्स...
 

(editing : Sharayu kakade)