पुणे : पुण्यातील मेट्रो प्रकल्पाला गेल्या दोन वर्षात भाजप
सरकारने एक रुपयाचाही निधी दिला नाही. शिवाय रिंगरोड प्रकल्पासही मोठा विलंब केला. यामुळे रिंगरोड प्रकल्प खर्चात तब्बल 10 हजार कोटी रुपयांची वाढ झाली आहे. याला भाजप सरकार जबाबदार असल्याचा आरोप राज्याचे उपमुख्यमंत्री अजित पवार यांनी शुक्रवारी (ता.10) पुण्यात एका कार्यक्रमात बोलताना केला.

 ताज्या बातम्यांसाठी डाऊनलोड करा ई-सकाळचे ऍप

पुणे जिल्हा परिषदेच्या पदाधिकारी पदासाठी इच्छुक असलेल्या सदस्यांच्या मुलाखती घेण्यासाठी पवार शुक्रवारी पुण्यात आले होते. यावेळी त्यांनी लष्कर भागातील जिल्हा परिषद अध्यक्षांच्या सरकारी बंगल्यात या मुलाखती घेतल्या. यावेळी जिल्हा परिषद पदाधिकारी आणि सदस्यांना मार्गदर्शन करताना
ते बोलत होते. यावेळी कामगारमंत्री दिलीप वळसे पाटील, बांधकाम राज्यमंत्री दत्तात्रेय भरणे, जिल्हा परिषद अध्यक्ष विश्‍वास देवकाते आदी उपस्थित होते.

JNU Attack : स्मृती इराणींचे दीपिकाला थेट आव्हान; म्हणाल्या...

पवार म्हणाले, "2014 मध्ये मी उपमुख्यमंत्रिपद सोडण्यापूर्वीच तत्कालीन सरकारने रिंगरोड हा प्रकल्प मंजूर केला. तेव्हा या प्रकल्पाची एकूण किंमत सुमारे 14 हजार कोटी रुपये इतकी होती. ती आता 24 हजार कोटींवर गेली आहे. परिणामी या प्रकल्प खर्चात 10 हजार कोटींची वाढ झाली आहे.''