पुणे - महापालिकेत राष्ट्रवादी काँग्रेस आणि काँग्रेसची सत्ता असताना अनेक कामांच्या निविदा चढ्या दराने मंजूर झाल्या. मात्र, गेल्या तीन वर्षांत ज्या प्रकल्पांच्या निविदा फुगल्याचे आढळून आले, तेव्हाच पुढाकार घेऊन आम्ही त्या रद्द केल्या. त्यामुळे पुणेकरांचे पैसे भाजपमुळे वाचले आहेत, असे महापौर मुरलीधर मोहोळ यांनी शनिवारी सांगितले.
नियोजित समान पाणीपुरवठा योजना, ‘एचसीएमटीआर’ ‘जायका’, कात्रज-कोंढवा रस्ता आणि जलपर्णीच्या फुगविलेल्या निविदा रद्द झाल्या. त्यामुळे पुणेकरांचे सुमारे साडेचार हजार कोटी वाचल्याचे ‘सकाळ’ने उघड केले. त्यामुळे या प्रकल्पांच्या सुमारे दहा हजार कोटींच्या निविदांची चौकशीच्या हालचाली नवे सरकार करीत असल्याचे वृत्त ‘सकाळ’ने शनिवारी प्रसिद्ध केले होते. त्यावर या प्रकरणांची गांभीर्याने चौकशी करू, असे राष्ट्रवादीचे नेते अजित पवार यांनी सांगितले. त्यानंतर महापौर मोहोळ यांनी भूमिका मांडली.
मोहोळ म्हणाले, ‘‘राष्ट्रवादीने ३५ टक्के जादा दराने आलेल्या निविदा मंजूर केल्या होत्या.
त्या आम्ही रद्द केल्या. समान पाणीपुरवठा योजनेची पहिली निविदा त्यांच्याच काळात काढली होती. उलटपक्षी चढ्या दराच्या निविदा रद्द करण्यासाठी मुख्यमंत्री देवेंद्र फडणवीस यांनीच पुढाकार घेतला होता. त्यामुळे राष्ट्रवादीच्या काळातील निविदांची चौकशी सरकारने करावी.’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.