पुणे : शिक्षक पात्रता परीक्षा घोटाळा (TET Exam Scam) प्रकरणात अनेक धक्कादाय गोष्टी समोर येत आहेत. आतापर्यंत या प्रकरणात अनेक मोठे मासे पोलिसांच्या (Pune Police) गळाला लागले असून, आता आणखी एक धक्कादायक प्रकार समोर आला आहे. स्वत:वर विश्वास नसल्यानं अनेक उमेदवारांनी टीईटी परीक्षा पास होण्यासाठी पैसे देण्याचं काम केलं असल्याचं समोर आलं आहे. विशेष म्हणजे पैसे भरलेल्यांंपैकी अनेकजण पास झालेले उमेदवार आहेत. अशा एकून 21 शिक्षकांनी पैसे भरल्याचं समोर आलं आहे.

टीईटी परीक्षेत अशा पद्धतीनं निकाल मिळवत अनेक जण पास झाले असून, ते सेवेत असल्याचं समजतंय. पात्र झालेल्यांपैकी किती जण सध्या कार्यरत आहेत याची माहिती गोळा करण्यात येत आहे. टीईटी मध्ये तब्बल 7 हजार 880 अपात्र परिक्षार्थींना पैसे घेऊन पात्र केलं असल्याचं समोर आलं आहे. OMR शीट ची तपासणी केली असताना 21 शिक्षक त्यांच्या गुणवत्तेवर पास झाल्याचे आढळून आलं.

मात्र, परीक्षेत पास होऊ की नाही याबाबत खात्री नसल्यानं या 21 शिक्षकांनी पात्र होण्यासाठी पैसे दिले होते. त्यामुळे अपात्र शिक्षकांच्या यादीतून या 21 शिक्षकांची नावं काढून टाकण्यात आली आहे