वडगाव निंबाळकर : मुर्टी ता. बारामती येथिल एटीएम सेंटरमधील पैसे काढण्याचे मशिन चोरट्यांनी पळवून नेल्याचा प्रकार शनिवार ता. १५ मध्यरात्री घडला.मोरगाव -निरा रोडवरील हॉटेल रविराज शेजारी टाटा इंडिकॅश कंपनीचे हे एटीएम मशीन आहे.

एटीएम सेंटर (atm machine)असलेला भाग दिवसा वर्दळीचा असला तरी रात्री आजूबाजूलाही सुरक्षारक्षक नाहीत या भागातील दुकानदारांनी बाहेरच्या भागातून सीसीटीव्ही कॅमेरे(cctv camera) लावले नाहीत याचा फायदा घेऊन चोरट्यांनी मशिनच(crime news) पळवून नेले बहुतांशी वेळेस येथे पैसे नसतात पण परवाच तीन लाख रुपये भरल्याचे सांगण्यात आले. चोरीच्या या घटनेत साधारण दोन ते अडीच लाख रुपये चोरी झाल्याचा प्राथमिक अंदाज आहे.घटनास्थळी नुकतीच वडगाव निंबाळकर पोलीस ठाण्यातील (police)अधिकाऱ्यांनी भेट देऊन पहाणी केली आहे.