वाघोली : बंद घराचे कुलूप तोडून चोरट्यांनी पाच तोळ्याचे गंठण व 20 हजार रोख रक्कम लंपास केल्याची घटना बाईफ रोडवरील सुप्रीम आंगण सोसायटीमध्ये रविवारी दुपारी घडली. याप्रकरणी संतोष धुमाळ यांनी दिलेल्या फिर्यादीनुसार लोणीकंद पोलीस ठाण्यात गुन्हा दाखल करण्यात आला आहे.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भर दुपारी चोरट्यांनी आरएमसी गार्डन, सुप्रीम आंगण परिसरातील तीन फ्लॅटमध्ये चोरी करण्याचा प्रयत्न केला असून दोन फ्लॅटमध्ये चोरट्यांच्या हाती काही लागले नाही. लॉकडाऊनकाळात वाघोली परिसरामध्ये चोऱ्यांच्या घटनामध्ये मोठ्या प्रमाणात घट झाली होती. अनलॉक झाले नागरिक आता कामावर जाऊ लागले आहे. अनेकांचे कुटुंब गावी असल्याने ते एकटे राहत आहेत. यामुळे सदनिका बंद असतात. हीच संधी चोरटे साधत आहेत.

Breaking : महाविद्यालय स्तरावर होणार परीक्षा?; 'यूजीसी'चे उपाध्यक्ष काय म्हणाले पाहा!

सध्या कोरोनाच्या परिस्थतीतत प्रत्येक सोसायटीमध्ये येणाऱ्या प्रत्येक व्यक्तीची नोंद केली जाते. एवढेच नव्हे तर त्याचे तापमानही तपासले जाते. सुरक्षा व्यवस्था कडक करण्यात आली आहे. असे असतानाही दोन सोसायटीमधील तीन सदनिका फोडण्याचा प्रकार घडल्याने आश्चर्य व्यक्त होत आहे. लोणीकंद पोलिस तपास करीत आहेत.