वेल्हे (पुणे) : वेल्हे तालुक्‍यातील वडगाव झांजे परिसरात आणखी तीन जणांना कोरोनाची बाधा झाली असून, येथील कोरोनाबाधितांची एकूण संख्या सहावर पोचली असल्याची माहिती प्रांताधिकारी राजेंद्र जाधव यांनी दिली.

पुण्यातील परप्रांतीयांचे आकडे तुमचे मन विचलित करू शकतात...  

वडगाव झांजे परिसरात कोरोनाचा प्रभाव वाढत असून, येथील संपर्कात आलेल्या व्यक्तींचा शोध घेणे सुरू आहे. आज (ता. 13) आणखी तीन जणांना कोरोनाची बाधा झालेली आहे. या परिसरात एकूण कोरोना बाधितांची संख्या आठ झाली असली, तरी दोन रुग्ण हे पुणे महानगरपालिका क्षेत्रातील आहेत. त्यामुळे वडगाव झांजे परिसरात एकूण कोरोनाबाधितांची संख्या सहावर पोचली आहे अजून 19 जणांची तपासणी अहवाल येणे बाकी आहे. या परिसरातील लोकांची नियमित तपासणी सुरू असून, गावागावांमध्ये औषध फवारणी सुरू असल्याची माहिती तहसीलदार शिवाजी शिंदे व गटविकास अधिकारी विशाल शिंदे यांनी दिली. 

बारामतीच्या डोक्यावर टांगती तलवार, आणखी 12 जणांचे अहवाल..

वडगाव झांजे परिसरास जिल्हा परिषदेचे मुख्य कार्यकारी अधिकारी आयुष प्रसाद यांनी आज (ता. 13) भेट दिली व येथील परिस्थितीचा आढावा घेतला. येथील अधिकारी व कर्मचाऱ्यांना त्यांनी विविध सूचना दिल्या. या वेळी जिल्हा परिषदेचे उपाध्यक्ष रणजित शिवतरे, प्रांताधिकारी राजेंद्र जाधव,तहसीलदार शिवाजी शिंदे,गटविकास अधिकारी विशाल शिंदे, तालुका वैद्यकीय अधिकारी सुदर्शन मलाजुरे, जिल्हा परिषद सदस्य दिनकर धरपाळे, सभापती दिनकर सरपाले आदी आदी उपस्थित होते. 

पुण्याच्या इतर बातम्या वाचण्यासाठी येथे क्लिक करा 

वेल्हे तालुक्‍यात आतापर्यंत कोरोनाचे पंधरा रुग्ण आढळले आहेत. त्यातील एकाचा मृत्यू झाला असून, आठ जणांनी कोरोनावर मात केलेली आहे. सध्या सहा जण कोरोनाबाधित आहेत.