पुणे - मंगळवार पेठेत बॅंकेच्या बाहेर कमरेला पिस्तूल लावून थांबलेल्या सराईत गुन्हेगाराला समर्थ पोलिसांनी अटक केली. आरोपीकडे चौकशी केल्यानंतर आणखी दोन पिस्तूल व तीन जिवंत काडतुसे त्याच्याकडून जप्त करण्यात आली. 

Video : पुण्यात पुन्हा शिरला गवा; बावधन परिसरात उडाली खळबळ

आकाश भगवान त्रिभुवन (वय 25, रा. बालेवाडी) असे त्याचे नाव आहे. त्रिभुवन हा 18 डिसेंबरला मंगळवार पेठेतील एका बॅंकेच्या बाहेर कमरेला पिस्तूल लावून थांबल्याची खबर समर्थ पोलिसांनी मिळाली होती. त्यावेळी पोलिसांनी त्रिभुवन यास अटक करून, त्याची अंगझडती घेतली. त्यावेळी त्याच्या कमरेला अडकविलेली 30 हजार रुपये किमतीचे पिस्तूल व एक काडतूस पोलिसांना मिळाले होते. त्यानुसार त्याच्याविरुद्ध बेकायदा शस्त्र बाळगल्याप्रकरणी गुन्हा दाखल करण्यात आला होता. न्यायालयाने त्यास पोलिस कोठडी सुनावली होती. त्यावेळी त्रिभुवनकडे आणखी दोन पिस्तूल व दोन जिवंत काडतुसे आढळली. त्रिभुवन याच्याविरुद्ध साताऱ्यातील खंडाळा येथे एक खुनाच्या प्रयत्नाचा आणि माराहाणीचे गुन्हे दाखल आहेत. त्याने तीन पिस्तूल कशासाठी आणले होते, याचा पोलिस तपास करीत आहेत. वरिष्ठ पोलिस निरीक्षक विष्णू ताम्हाणे, पोलिस निरीक्षक (गुन्हे) उल्हास कदम, पोलिस उपनिरीक्षक विशाल मोहिते, पोलिस हवालदार संतोष काळे, पोलिस शिपाई नीलेश साबळे, हेमंत पेरणे यांच्या पथकाने ही कारवाई केली. 

पुण्याच्या बातम्या वाचण्यासाठी येथे ► क्लिक करा