पिरंगुट (पुणे) : पोटातच बाळा मेल्यामुळे बेशुद्ध झालेल्या महिलेवर रवी तारू या अॅम्ब्यूलन्स चालक देवासारखा धावून आल्यामुळे वेळेवर उपचार झाले.  

मुळशी तालुक्याच्या मुठा खोऱ्यातील दुर्गम व डोंगरी भागातील मांडवखडक येथील वस्तीवर एक गरोदर महिला प्रसूतीच्या वेदनेने विव्हळत होती. रात्रीच्यावेळी बाळ पोटातच मरण पावल्याने ती बेशुद्ध झाली...त्यात वादळाने विजेअभावी फोन बंद होते...प्राथमिक आरोग्य केंद्र सुमारे तीस किलोमीटरवर... त्यात अठरा किलोमीटरचा रस्ता माती, मुरुम, दगडधोंड्यांचा, कच्चा...पावसाची रिमझिम ...अवघी वस्ती हतबल आणि चिंताग्रस्त ...अशातच रवी तारू हे अॅम्ब्यूलन्स चालक देवासारखा धावून आला. भौगोलिक, आर्थिक, वैद्यकीय अडथळ्यांची शर्यत पार पाडीत ही महिला तब्बल आठ दिवसानंतर शुद्धीवर आली आणि उपचारानंतर सुखरूप झाली. 

दौंडच्या लेकीने नाव काढलं, नोकरी सांभाळून झाल्या डीवायएसपी

मुळशी तालुक्यातील मुठा खोऱ्य़ातील मांडवखडक हा वेगरे गावचाच भाग आहे. येथे मुठा नदीचा उगम होतो, असा दुर्गम परिसर आहे. तेथील एका महिलेला रात्रीच्यावेळी तात्काळ दवाखान्यात आणणे शक्य नव्हते. त्यामुळे कुटुंबियांच्या मदतीने रात्री तेथील दाईने (सुईनीने) तिच्यावर उपचार करण्याचा प्रयत्न केला, परंतु दुर्दैवाने बाळ पोटातच दगावले व महिला बेशुद्ध झाली. 

सलून दुकाने सुरू करण्याची परवानगी द्या, अन्यथा...

दरम्यान, सकाळी मुठा आरोग्य केंद्राशी संपर्क साधला असता अॅब्यूलन्स चालक रवी तारू यांनी प्रसंगावधान ओळखून व परिस्थितीचे गांभीर्य लक्षात घेऊन तातडीने आरोग्य सेवक मखरे व नर्स पवार यांना सोबत घेऊन कच्च्या मुरमाच्या रस्त्याने चिखलातून धाडस व कौशल्याने अनेक अडथळ्याच्या शर्यती पार करीत मांडवखडक गाठले. बेशुद्ध अवस्थेतील त्या महिलेला मुठा, पिरंगुट, लवळे असा हॉस्पिटलचा प्रवास करीत शेवटी ससूनला दाखल केले. आठ दिवसांनी ही महिला शुद्धीवर आली असून, ती सुखरूप घरी परतली आहे.

वा रे पठ्ठ्या शाळेसाठी आणला लाखोंचा निधी

दरम्यान, मुठा येथील ग्रामस्थांच्यावतीने रवी तारु यांचा पुणे शहर ग्राहक समितीचे अध्यक्ष सुरेश मोहोळ व मामासाहेब मोहोळ कुस्ती महासंघाचे अध्यक्ष चंद्रकांत मोहोळ यांच्या हस्ते मानाचा फेटा, शाल, श्रीफळ व रोख पाच हजार रुपये देऊन सत्कार केला .