आंबेठाण, ता. २९ : वराळे (ता. खेड) ग्रामपंचायतच्या सरपंचपदी उज्ज्वला चव्हाण यांची बिनविरोध निवड करण्यात आली. पूजा बुट्टेपाटील यांनी सरपंचपदाचा राजीनामा दिल्याने ही निवडणूक घेण्यात आली.
ग्रामपंचायतच्या सभागृहामध्ये पार पडलेल्या निवडणूक प्रक्रियेदरम्यान चव्हाण यांचा एकमेव अर्ज आल्याने त्यांची बिनविरोध निवड झाल्याची घोषणा करण्यात आली. यावेळी निवडणूक निर्णय अधिकारी म्हणून खेड मंडल अधिकारी जी. एस. रोकडे यांनी काम पाहिले. त्यांना ग्राम महसूल अधिकारी मनोज जाधव आणि ग्राम पंचायत अधिकारी देवदत्त सांडभोर यांनी मदत केली.
याप्रसंगी उपसरपंच अविनाश लोंढे, माजी सरपंच दिनेश लांडगे, सुनीता ठाकर, शुभांगी बुट्टेपाटील, माजी सरपंच विश्वास बुट्टेपाटील, सुरेश बुट्टेपाटील आदी उपस्थित होते.