आंबेठाण, ता. ३० : वहागाव (ता. खेड) ग्रामपंचायतीच्या उपसरपंचपदी अर्चना नवले यांची बिनविरोध निवड झाली. हिराबाई नवले यांनी ठरल्याप्रमाणे राजीनामा दिल्याने ग्रामपंचायत सभागृहात उपसरपंच निवडीची सभा सरपंच सोनल नवले यांच्या अध्यक्षतेखाली पार पडली. यावेळी नवले यांचा एकमेव अर्ज आला. त्यामुळे त्यांची बिनविरोध निवड झाल्याचे ग्रामपंचायत अधिकारी उल्हास कोरडे यांनी घोषित केले. यावेळी ग्रामपंचायत सदस्य चैताली नवले, रुपाली नवले, किरण नवले, हिराबाई नवले, विठ्ठल पवार, माजी सरपंच किसन नवले, दादाभाऊ पोंभाले, सुभाष नवले, माजी उपसरपंच दीपक नवले, किसन नवले आदी उपस्थित होते.