मांडवगण फराटा, ता. १४ : तांदळी (ता. शिरूर) येथील श्री रघुनाथ वामनराव कळसकर विविध कार्यकारी सेवा सहकारी सोसायटीच्या अध्यक्षपदी संजय कालिदास कळसकर व उपाध्यक्षपदी विजय बन्सी कळसकर यांची बिनविरोध निवड झाली. अध्यक्ष संतोष भाऊसाहेब कळसकर व उपाध्यक्ष पांडुरंग सोपाना कळसकर यांनी राजीनामा दिल्यामुळे रिक्त जागी या निवडी करण्यात आल्या. यावेळी संजय कळसकर व विजय कळसकर यांचे एकमेव अर्ज आल्याने त्यांची बिनविरोध निवड झाल्याचे निवडणूक निर्णय अधिकारी पी. व्ही. हराळ, सचिव गोविंद कळसकर यांनी जाहीर केले. याप्रसंगी घोडगंगा कारखान्याचे माजी उपाध्यक्ष प्रा. सुभाष कळसकर, दिलीप कळसकर, लक्ष्मण कळसकर, संपत कळसकर, शाळा व्यवस्थापन समितीचे अध्यक्ष रवींद्र कळसकर, किरण कळसकर, संचालिका उमावती शेळके, सुनंदा खोरे, भुजंग कळसकर, संजय कळसकर, मारुती कळसकर, संभाजी नलगे, दत्तात्रेय इथापे, संभाजी गोसावी आदी उपस्थित होते.