आंधळगाव, ता. ३० : शिरूर तालुक्यातील आंधळगाव येथील ग्रामपंचायतीच्या सरपंचपदी कांताबाई दादासाहेब थोरात यांची बिनविरोध निवड झाली. सोमवारी (ता. २९) ग्रामपंचायत कार्यालयात ही निवड करण्यात आली.
येथील सरपंच शुभांगी सूळ यांनी अंतर्गत कमिटीत ठरलेल्या कालावधीप्रमाणे राजीनामा दिल्यामुळे रिक्त पदासाठी ही निवडणूक घेण्यात आली होती.
त्यात सरपंचपदासाठी केवळ कांताबाई थोरात यांचा एकमेव अर्ज आल्याने त्यांची बिनविरोध निवड झाली. यावेळी उपसरपंच माउली सोनवणे, सुभाष सरोदे, पुष्पा दाभाडे, संतोष खरात, सतीश थोरात आदी उपस्थित होते. निमोणे येथील मंडल अधिकारी नंदकुमार खरात यांनी निवडणूक निर्णय अधिकारी म्हणून काम पाहिले. तर सहाय्यक निवडणूक निर्णय अधिकारी म्हणून ग्राम महसूल अधिकारी रूपेश शेटे व ग्रामविकास अधिकारी विशाल नाईकनवरे यांनी काम पाहिले.