आळंदी, ता. १३ : राज्य शिक्षणसंस्था महामंडळाचे कार्यकारिणी सदस्य, ज्ञानेश्‍वर शिक्षण संस्थेचे सचिव अजित वडगांवकर आणि भाजप आध्यात्मिक आघाडी पश्‍चिम विभागाचे संजय घुंडरे यांचा ‘मराठा भूषण पुरस्कार’ देऊन सन्मान करण्यात आला. हा पुरस्कार त्यांना आळंदी देवस्थानचे विश्‍वस्त चैतन्य महाराज कबीर, संत तुकाराम महाराजांचे वंशज बापूसाहेब मोरे, लक्ष्मण महाराज मेंगडे यांचे हस्ते प्रदान करण्यात आला.
अखिल भारतीय मराठा महासंघ संत तुकाराम महाराज सामाजिक आध्यात्मिक प्रतिष्ठान यांच्या वतीने जगन्नाथ शेंडगे पाटील यांच्या पाचव्या पुण्यस्मरणार्थ
आणि महासंघाच्या शतकोत्तर रौप्य महोत्सवी वर्षानिमित्त सामाजिक, शैक्षणिक व आध्यात्मिक क्षेत्रात उल्लेखनीय कार्य केल्याबद्दल हा पुरस्कार दिला जातो. यावेळी मराठा महासंघाचे राष्ट्रीय अध्यक्ष दिलीप जगताप, दिल्ली येथील विश्‍वभुषण राजे शिवछत्रपती फौंडेशनचे जनार्दन पाटील, पंडित क्षीरसागर, आत्माराम शास्त्री जाधव, भगवान कराड, बाळासाहेब शेवाळे, संदीप लोहार, मराठा महासंघाचे पदाधिकारी दशरथ पिसाळ, दिलीप धंदे, धाराजी भुसारे, प्राध्यापक शिवराम सोंडगे, गणेश नाईकवाडे, संतोष नानावटे, अविनाश घिघे, सुरेश वडगांवकर, नंदकुमार कुऱ्हाडे, विलास घुंडरे, नितीन घुंडरे, दिनेश कुऱ्हाडे, विश्‍वंभर पाटील आदी उपस्थित होते. संजय घुंडरे यांचा पुरस्कार त्यांच्या वतीने बाबूलाल घुंडरे यांनी स्वीकारला. सूत्रसंचालन प्रमोद महाराज काळे यांनी केले. पसायदानाने कार्यक्रमाची सांगता झाली.