आळंदी, ता. २५ : मध्यरात्रीच्या सुमारास घराचा दरवाजा बाहेरून बंद करून एक महिला निघून गेली आहे. याबाबत आळंदी पोलिस ठाण्यामध्ये बेपत्ता महिलेच्या पतीने तक्रार केली आहे. वैष्णवी भरत बहिर (वय २२, रा. शिवांकृती पार्क विश्रांतवाडी, आळंदी) असे बेपत्ता महिलेचे नाव आहे. याबाबत जोगदंड भगवा नारायण यांनी फिर्याद दिली आहे. मंगळवारी (ता. २३) मध्यरात्री दीडच्या सुमारास फिर्यादी जोगदंड यांच्या लक्षात आले की, त्यांची पत्नी घरात नाहीत. घराचा दरवाजा बाहेरून बंद होता. यावेळी शेजारी राहणाऱ्यांना आवाज देऊन दरवाजा उघडला आणि आजूबाजूला शोध घेतला असता पत्नी आढळून आली नाही. याबाबत मोबाईलवर संपर्क केला असता तोही बंद होता. वैष्णवी यांनी अंगामध्ये पांढऱ्या रंगाचे कपडे घातले आहेत. रंगाने गोऱ्या, उंची पाच फूट पाच इंच, असे बेपत्ता महिलेचे वर्णन आहे. याबाबत अधिक तपास आळंदी पोलिस करत आहेत.