आळंदी, ता. २५ : सार्वजनिक वाहतुकीस अडथळा होईल अशा पद्धतीने रिक्षा रस्त्यावर उभी केल्याने रिक्षाचालकावर आळंदी पोलिस ठाण्यामध्ये गुन्हा दाखल केला आहे. चंद्रकांत नामदेव काळे (वय ३३, रा. दिघी रस्ता, भोसरी) असे गुन्हा दाखल केलेल्या रिक्षा चालकाचे नाव आहे. ही घटना आळंदीमध्ये बस स्थानकाजवळ घडली. याप्रकरणी माधुरी कल्याण जगताप या महिला पोलिस शिपायाने फिर्याद दिली आहे. रिक्षा चालक काळे हा आळंदीतील पीएमपीएल बस स्थानकावर इंद्रायणीवर असलेल्या अरुंद पुलावर रिक्षा (क्र. एमएच १४ केयू २६३५) घेऊन उभा होता. यामुळे सार्वजनिक रस्त्यावरून अन्य वाहनांना ये- जा करण्यास अडथळा निर्माण होत होता. तसेच, रिक्षाचालकजवळ वाहन चालवण्याचा परवाना नव्हता.