आळंदी, ता. ३ : येथील तक्षशिला बुद्ध विहार येथे अशोका विजयादशमी आणि धम्मचक्र प्रवर्तन दिनानिमित्त विविध धार्मिक व सांस्कृतिक कार्यक्रम पार पडले. यावेळी धम्मपालन गाथा आणि खीर वाटप करण्यात आली.
कार्यक्रमाच्या सुरुवातीला ज्येष्ठ बौद्ध उपासिका शुभांगी रणदिवे यांच्या हस्ते पंचशील ध्वजवंदन करण्यात आले. यानंतर सामूहिक बुद्ध वंदना घेण्यात आली. याप्रसंगी नामदेव सुरपल्लीकर, विलास रणपिसे, नितीन थोरात आदींनी डॉ. बाबासाहेब आंबेडकरांच्या धम्मकार्यावर व बौद्ध धर्माच्या तत्त्वज्ञानावर मार्गदर्शन केले. आनंद रणदिवे यांनी सूत्रसंचालन केले.

०६३९४