आळंदी, ता. २५ : कोकण दिंडी वारकरी संप्रदाय मंडळाच्या वतीने आळंदीमध्ये उभारण्यात आलेल्या वारकरी भवन इमारतीचा उद्‍घाटन सोहळा रविवारी (ता. २६) दुपारी चार वाजता लोकसभा खासदार सुनील तटकरे, महिला बालविकास मंत्री आदिती तटकरे यांच्या उपस्थितीमध्ये होणार आहे.
राज्यसभा खासदार प्रफुल पटेल यांच्या स्थानिक विकास कार्यक्रमांतर्गत १५ लाख रुपये निधीतून कोकण दिंडी वारकरी संप्रदाय मंडळाने वारकरी भवन आळंदीत उभारले आहे. यासाठी खासदार सुनील तटकरे यांनी विशेष मदत केली आहे. विधान परिषद सदस्य अनिकेत तटकरे, माजी आमदार दिलीप मोहिते, सुनील टिंगरे, आळंदी देवस्थानचे प्रमुख विश्‍वस्त योगी निरंजननाथ यांची उपस्थिती असणार आहे.