आळंदी, ता. १० : अवैधरीत्या दारू विक्री करणाऱ्या दोघांवर आळंदी पोलिस ठाण्यामध्ये गुन्हा दाखल केला आहे. अरविंद श्रीकृष्ण हिवराळे (वय ३९, रा. घुंडरे आळी, आळंदी) आणि विनोद कुमार मिट्टू नट (वय ३२, रा. पीसीएस चौक, चऱ्होली खुर्द, ता. खेड) या दोघांवर गुन्हा दाखल केला आहे.
याबाबत फिर्याद अमर शांताराम कदम आणि सुंदर मोहन थोरात या दोन पोलिसांनी आळंदी पोलीस ठाण्यात दिली. आळंदी पोलिसांनी दिलेल्या माहितीनुसार, आळंदी शहरात मध्यवर्ती असलेल्या घुंडरे गल्लीतील जय अंबे मंगल कार्यालगत असलेल्या पत्रा शेडमध्ये अरविंद हिवराळे हा अवैध आणि विनापरवाना देशी दारूच्या पाच हजार चारशे रुपये किमतीच्या बाटल्या बाळगून होता. तर, विनोद कुमार नट याने चऱ्होली खुर्दमधील ४० लिटर देशी दारूचे अंदाजे चार हजार रुपये किमतीचे गावठी दारू विक्रीसाठी बाळगून होता. या दोघांवरही गुन्हा दाखल करण्यात आला आहे.