आळेफाटा, ता. २५ : सहकार क्षेत्रात देशाला दिशा देण्याचे काम महाराष्ट्रातील सहकार क्षेत्र करत असल्याचे गौरवोद्गार राज्याचे सहकार आयुक्त व निबंधक दीपक तावरे यांनी केले.
राजुरी (ता. जुन्नर) येथील विविध कार्यकारी सेवा सहकारी सोसायटीला भेट दिल्यानंतर शेतकऱ्यांना मार्गदर्शन करताना ते बोलत होते. या प्रसंगी पुणे जिल्हा मध्यवर्ती बँकेचे अध्यक्ष दिगंबर दुर्गाडे, उपाध्यक्ष सुनील चांदेरे, जिल्हा उपनिबंधक प्रकाश जगताप, डॉ. गजेंद्र देशमुख, कृषी उत्पन्न बाजार समितीचे सभापती ॲड. संजय काळे, पूजा बुट्टे, एस..बी. भुजबळ, नीलेश धोंगडे, माजी सभापती दीपक औटी, उपसरपंच माऊली शेळके, बाळासाहेब औटी, सोसायटीचे अध्यक्ष कारभारी औटी, अविनाश औटी, वल्लभ शेळके, एम.डी. घंगाळे, भास्कर बांगर, सुभाष औटी, गोरक्ष हाडवळे, लक्ष्मण घंगाळे, संतोष वाईकर उपस्थित होते. या वेळी आंतरराष्ट्रीय सहकार वर्षानिमित्ताने ‘एक पेड माँ के नाम’ उपक्रमाअंतर्गत वृक्षारोपण करण्यात आले.
तावरे म्हणाले की, केंद्र शासन सहकार चळवळीला चालना देत असून‌ यासाठी देशातील सहकारी संस्थांकडून प्रेझेंटेशन मागवले आहे. यात महाराष्ट्रातून पाच सादर झाले आहेत. यामध्ये राजुरी येथील कार्यकारी सेवा सहकारी सोसायटीची निवड झाल्याचे सांगितले.
प्रास्ताविकात वल्लभ शेळके म्हणाले की, सोसायटीच्या औषध फवारणी ड्रोनचा सभासद शेतकऱ्यांना फायदा होत आहे. द्राक्षे, भाज्या, फळांसाठी कोल्ड स्टोअर उभारण्यात येणार आहे. पशू खाद्य निर्मितीसाठी कारखाना उभारण्याचा माणसं असल्याचे सांगितले.