आळेफाटा, ता. १२ : राजुरी (ता. जुन्नर) येथे पार पडलेल्या मोफत महाआरोग्य तपासणी शिबिराचा ४८५ नागरिकांनी लाभ घेतला.
डिसेंट फाउंडेशन पुणे, स्पार्क मिंडा फाउंडेशन पुणे, दिव्यदृष्टी दिव्यांग संस्था राजुरी, हिरकणी सेवा प्रतिष्ठान राजुरी, राध्येशाम सशक्तीकरण केंद्र जुन्नर, ओम साई दिव्यांग समूह व राजुरी, उंचखडक ग्रामपंचायत यांच्या संयुक्त विद्यमाने हे शिबिर आयोजित करण्यात आले होते. या शिबिराचे उद्घाटन माजी सभापती दीपक औटी, राजुरीच्या सरपंच प्रिया हाडवळे, उपसरपंच माऊली शेळके यांच्या हस्ते करण्यात आले. याप्रसंगी डिसेंट फाउंडेशनचे संस्थापक जितेंद्र बिडवई, समर्थ शैक्षणिक संकुलाचे विश्वस्त वल्लभ शेळके, शरदचंद्र पतसंस्थेचे अध्यक्ष एम.डी.घंगाळे, गणेश दूध डेअरीचे अध्यक्ष सुभाष औटी, बाळासाहेब औटी, डॉ. एफ.. बी. आतार, आदिनाथ चव्हाण, उंचखडकचे सरपंच अजय कणसे, प्रा. एकनाथ डोंगरे, दीपक चव्हाण, डॉ. सुमीत लव्हाळे, डॉ. अमेय डोके, डॉ. आकाश आवारी, जी. के. औटी, जयसिंग औटी, संगीता शेळके, हेमलता शिंदे, सुप्रिया औटी, सखाराम गाडेकर, गौरव घंगाळे आदी मान्यवर उपस्थित होते. शिबिरात हृदयरोग, मूत्ररोग, कॅन्सर पूर्व तपासणी, हाडांचे आजार, स्त्रीरोग, बालरोग, नेत्र तपासणी, मोतीबिंदू शस्त्रक्रिया, दंतरोग, बी.पी., शुगर व रक्तातील विविध तपासण्या करण्यात आल्या. यासाठी श्री हॉस्पिटल आळेफाटा, डोके हॉस्पिटल नारायणगाव, शंकरा आय हॉस्पिटल पनवेल, श्रीकृष्ण दातांचा दवाखाना, हिंद लॅब जुन्नर व प्राथमिक आरोग्य केंद्र राजुरी यांचे सहकार्य लाभले. तसेच दिव्यांगांसाठी यु. डी. आय डी. कार्डची ऑनलाइन नावनोंदणी, आवश्यक साहित्य वाटप, पूर्व तपासणी करण्यात आली. आधारकार्ड दुरुस्ती करण्यात आली. दरम्यान, हिरकणी सेवा प्रतिष्ठानच्या अध्यक्षा हेमलता शिंदे यांच्या वाढदिवसानिमित्त ५० ज्येष्ठ आजी-आजोबांना आधार काठ्यांचे वाटप करण्यात आले.